Seısenbi kúni Fılıppınniń ortalyq bóliginde Kanlaon janartaýynyń qýatty atqylaýy boldy, dep habarlaıdy "Adyrna" ulttyq portaly.
Bul týraly Fılıppınniń výlkanologııa jáne seısmologııa ınstıtýty (FVIS) habarlady.
«Qazirgi ýaqytta Kanlaon shyńyndaǵy kraterden jarylys túrindegi atqylaý bolyp jatyr, ol búgin jergilikti ýaqytpen 05:51-de bastaldy», – dedi radıosuhbat barysynda FVIS-tiń janartaýlardy baqylaý jáne atqylaýlardy boljaý bóliminiń jetekshisi Marııa Antonııa Bornas.
Atqylaý saldarynan «shamamen 4 myń metr bıiktikke deıin jetetin kólemdi ıilgen bult paıda bolyp, ońtústik-batysqa qaraı baǵyt alyp barady. Pıroklastıkalyq aǵyndar janartaýdyń negizgi ońtústik baýraıymen tómen qaraı jyljydy», – dep tolyqtyrdy FVIS ókilderi.
FVIS jáne ınternet qoldanýshylar jarııalaǵan vıdeolarda atqylap jatqan janartaýdyń alyp bultty aýaǵa laqtyrǵany anyq kórinedi.
Atqylaýǵa qaramastan, ınstıtýt qaýip-qater deńgeıin kótermedi. Ol áli de byltyr jeltoqsandaǵy Kanlaonnyń aldyńǵy atqylaýynan beri úshinshi deńgeıde tur. Bul – magmanyń jer betine qaraı qozǵalyp jatqanyn bildiredi. Jarylystar, lava atqylaýy men pıroklastıkalyq aǵyndardy qamtıtyn qaýipti atqylaýdyń yqtımaldyǵy joǵary ekenin kórsetedi.
Kanlaon – Negros aralynda, Shyǵys jáne Batys Negros provınııalarynyń shekarasynda ornalasqan jáne Fılıppındegi eń belsendi 24 janartaýdyń biri sanalady.
