Qytaıdyń Shyńjań aımaǵyndaǵy erkin saýda aımaǵynyń Horgos ýchaskesi Halyqaralyq qazaq-qytaı til kolledjinen alǵashqy tájirıbeden ótýshiler tobyn qabyldady, dep habarlaıdy "Adyrna" ulttyq portaly Sınhýa agenttigine silteme jasap.
Úsh aı boıy bul kolledjdiń 30 stýdenti jergilikti birneshe kásiporynda kásibı biliktilikterin jetildiredi.
Shyńjańǵa (Soltústik-Batys Qytaı) kelmes buryn tájirıbeden ótýshiler arnaıy daıyndyq kýrsynan ótken. Olar qytaı tilinde jaqsy qarym-qatynas jasaý daǵdylaryn meńgerip, transshekaralyq elektrondy saýda men halyqaralyq kommerııa salalarynda bazalyq kásibı bilimge ıe.
Tájirıbe barysynda qazaqstandyq stýdentter transshekaralyq elektrondy saýda men ıfrlyq marketıngke qatysty jumystarda tájirıbe jınaıdy. Olar naqty óndiristik jaǵdaılarmen tanysyp, qytaılyq kásiporyndardyń sheteldik naryqqa shyǵý suranysyn jan-jaqty zertteıdi. Árbir stýdentke kásiporyndarda arnaıy tálimger taǵaıyndalady.
Horgos erkin saýda aımaǵynyń josparyna sáıkes, tájirıbe barysynda erekshe kózge túsken sheteldik stýdentter tájirıbeden ótken kásiporyndarda jumysqa qalý múmkindigine ıe bolady. Bul olarǵa oqý ornyn bitire salysymen jumysqa ornalasýǵa jol ashady.
"Bul – halyqaralyq kásibı bilim berý salasyndaǵy jańa bastamamyz. Ol «Bir beldeý, bir jol» bastamasyna qatysýshy elder úshin jan-jaqty qabiletti mamandardy daıyndaýǵa baǵyttalǵan", – dedi Horgos ekonomıkalyq damý aýdanynyń ókili Ian Chýnmeı.
Onyń aıtýynsha, bolashaqta Ortalyq Azııa elderiniń joǵary oqý oryndarynyń qatysýymen "Bir beldeý, bir jol" kásibı bilim berý alıansyn qurý josparlanyp otyr. Bul alıans oqytýshylardyń ózara saparlaryna, birlesken oqý baǵdarlamalaryn ázirleýge jáne akademııalyq almasýlardy júzege asyrýǵa arnalǵan turaqty platforma bolmaq.
