Tötenşe jaǧdailar departamentı Aqmola oblysynyŋ tūrǧyndary men qonaqtaryn sudaǧy qauıpsızdık erejelerın saqtauǧa şaqyrady. Qazırgı taŋda öŋırdegı su aidyndarynda mūz qabaty jūqa. Osyǧan bailanysty mūz üstıne şyqpaudy, balalardyŋ qauıpsızdıgın qadaǧalaudy jäne köktemgı kezeŋdegı mūz üstındegı qauıp-qater jaiynda tüsındıru jūmystaryn jürgızude. Būl turaly brifingte Aqmola oblysy TJD azamattyq qorǧanys basqarmasy basşysynyŋ mındetın atqaruşy Almaz Bekbaev mälım ettı, dep habarlaidy.
Onyŋ aituynşa, biylǧy jyldyŋ 1 qyrküiegınen bastap aŋşylyq jäne balyq aulau mausymynyŋ aşyluymen departament qyzmetkerlerı kün saiyn halyq arasynda tüsındıru jūmystaryn jürgızıp keledı. Būl jūmystar polisiia departamentınıŋ jergılıktı bölımşelerımen, kölık inspeksiiasymen bırlese ūiymdastyrylyp otyr.
«Su aidyndaryndaǧy qauıpsızdıktı arttyru maqsatynda 350 radio habar, 8 brifing ötkızıldı, 20 myŋnan astam jadynama men kıtapşa taratylyp, 6 myŋǧa juyq QR-kodtar japsyrylyp, äleumettık jelılerde 304 material jariialandy. Būǧan qosa, 150 maqala baspasöz betterınde jaryq körgen», — dedı ol.Tötenşe jaǧdailar departamentı WhatsApp messendjerın de tiımdı paidalanyp keledı. Balyqşylar men aŋşylardyŋ öŋırlık toptaryna sudaǧy qauıpsızdık turaly aqparat tūraqty türde jıberılıp tūrady. Arnaiy qūrylǧan topta 244 balyqşy tırkelgen, olar kündelıktı aua raiy boljamy men qauıpsızdık erejelerı turaly SMS habarlamalar alyp otyrady. Būl ädıs sudaǧy qaiǧyly oqiǧalardyŋ aldyn aluǧa septıgın tigızude.
«Degenmen, aŋşylyq jäne balyq aulau mausymy kezınde 4 avtokölıktıŋ mūz astyna tüsıp ketken jaǧdaiy tırkeldı. Abyroi bolǧanda, adam ölımı men jaraqattanu jaǧdailary bolǧan joq. Osy oraida, Tötenşe jaǧdailar departamentı QR IIM 2015 jylǧy 19 qaŋtardaǧy №34 būiryǧyna säikes, arnaiy bekıtılgen ötkelderden tys jerlerde mūz üstıne kölıkpen şyǧuǧa tyiym salynatynyn eskertemız», — dedı spiker.TJ departamentı jazǧy mausymǧa daiyndyq jūmystaryn da aldyn ala bastady. Biyl oblys aumaǧynda 82 resmi şomylu orny aşylatyny josparlanǧan.
«Köpşılık jinalatyn Qopa, Zerendı, Şuchinsk jäne Burabai kölderınıŋ jaǧasynda qauıpsızdıktı qamtamasyz etu maqsatynda qūtqaru beketterı qoiylady. Būdan bölek, ötken jylǧy täjıribe negızınde atalǧan tört ırı su aidynynda balalarǧa arnalǧan jaǧajailar ūiymdastyrylatyn bolady», — dep tolyqtyrdy TJD ökılı.Sudaǧy jazataiym oqiǧalardyŋ aldyn alu maqsatynda ükımettık emes ūiymdarmen memorandumdarǧa qol qoiylyp, su aidyndaryn jalǧa aluşylarǧa qūtqaru beketterın jabdyqtau qajettılıgı turaly ūsynys hattar joldandy. 1 mamyrdan bastap, su aidyndarynyŋ tübın tekseru jūmystary, qoǧamdyq qūtqaruşylardy oqytu men jazǧy demalys lagerlerınde tüsındıru sabaqtary ūiymdastyrylady. Sonymen qatar, mektepterde interaktivtı sabaqtar men beinerolikter arqyly oquşylarǧa sudaǧy qauıpsızdık erejelerı üiretılude. Ata-analar chatyna da tiıstı ūsynystar joldanyp otyr. Jazǧy demalys qarsaŋynda lagerlerdıŋ tälımgerlerı üşın arnaiy sliot ötkızılıp, qūtqaruşylar sudaǧy alǧaşqy kömek körsetu jäne adamdy qūtqaru boiynşa praktikalyq sabaqtar ötkızetın bolady.
