9 sáýirden bastap Qazaqstanda jumyrtqa ımportyna alty aıǵa tyıym salynady, dep habarlaıdy "Adyrna" ulttyq portaly Aýyl sharýashylyǵy mınıstrliginiń baspasóz qyzmetine silteme jasap.
Shekteý kez kelgen kólik túrimen úshinshi elderden jáne Eýrazııalyq ekonomıkalyq odaq memleketterinen ákelinetin jumyrtqaǵa qatysty bolady.
Tek jumyrtqanyń Qazaqstan aýmaǵy arqyly tranzıttik tasymalyna ǵana erekshe jaǵdaı jasalady.
Mınıstrlik bul sheshimdi kóktem-jaz kezeńinde otandyq taýar óndirýshilerdi qoldaý maqsatymen túsindirdi.
«Qazir jumyrtqaǵa degen suranystyń tómendegeni baıqalady, naryqtaǵy qajettilik tolyqtaı ónerkásiptik óndiris pen úı sharýashylyqtarynyń belsendi qatysýy esebinen jabylyp otyr. Bul faktor qus fabrıkalarynyń jumysyna keri áser etip, jumyrtqa baǵasynyń tómendeýine ákelýde. Baǵanyń ózindik qunnan tómendeýi kásiporyndardyń tabystylyǵyna teris yqpal etedi», — dep málimdedi mınıstrlik.
Óndiris kólemi azaımaǵandyqtan, taýar qoımalarda jınalyp qalady. Al bul mezgilde jumyrtqanyń saqtaý merzimi qysqarady.
