Qazaqstan Respublikasy Mädeniet jäne aqparat ministrlıgınıŋ Arhiv, qūjattama jäne kıtap ısı komitetı geraldikalyq jūmys basqarmasy men «Geraldikalyq zertteuler ortalyǧy» RMM-nıŋ ūiymdastyruymen «Memlekettık rämızder men vedomstvolyq jäne olarǧa teŋestırılgen özge de nagradalar geraldikasy mäselelerı» taqyrybynda respublikalyq seminar öttı.
Ekı künge sozylǧan būl şaraǧa elımızdıŋ barlyq öŋırlerınen memlekettık organdardyŋ ökılderı, sondai-aq Qazaqstan Respublikasy Işkı ıster ministrlıgı men Sauda jäne integrasiia ministrlıgınıŋ mamandary, Mäjılıs deputattary men qoǧam qairatkerlerı qatysty.
Seminardyŋ basty maqsaty – memlekettık rämızder men vedomstvolyq marapattardyŋ jüielenuın qamtamasyz etu, olardyŋ nasihattaluyn küşeitu, ūlttyq standarttar men zaŋ talaptarynyŋ oryndaluyn qadaǧalau, sondai-aq adal eŋbek etken azamattardy marapattau räsımın retke keltıru.
Memleket basşysy būǧan deiın Ūlttyq qūryltai barysynda geraldika mäselesın bırneşe ret kötergen bolatyn. Mäselen, Türkıstanda ötken jiynda öŋırlık nyşandardy jüieleu mäselesı talqylansa, Burabaidaǧy otyrysta vedomstvolyq marapattardy retteu tapsyrylǧan edı.
Seminar barysynda öŋırlık nyşandardy zaŋ talaptaryna sai bekıtu, memlekettık rämızderge qatysty qūqyq būzuşylyqtardy anyqtau jäne olarǧa şara qoldanu, memlekettık rämızderdı paidalanu tärtıbı men ūlttyq standarttardyŋ saqtaluyn qamtamasyz etu, sondai-aq Memlekettık rämızder künın laiyqty deŋgeide atap ötu mäselelerı jan-jaqty qarastyryldy.
Alǧaşqy künı Arhiv, qūjattama jäne kıtap ısı komitetı geraldikalyq jūmys basqarmasynyŋ basşysy Güldana Argenova Prezident tapsyrmasyna säikes öŋırlık nyşandardy bırızdendıru boiynşa atqarylyp jatqan jūmystardy baiandady.
Işkı ıster ministrlıgınıŋ ökılı Aida Baialieva memlekettık rämızderge qatysty qūqyq būzuşylyqtardy uaqytynda anyqtau men tiıstı şara qoldanu jönınde baiandama jasady. Al Sauda jäne integrasiia ministrlıgınıŋ mamany Qazbek Nūrbek memlekettık rämızderdıŋ ūlttyq standarttarǧa säikestıgıne toqtaldy.
Seminardyŋ ekınşı künı Mäjılıs deputaty Abzal Qūspan memlekettık rämızderge qatysty zaŋnamalyq özgerıster engızu jäne jauapkerşılıktı küşeitu mäselesın köterdı. Qazaqstan Respublikasynyŋ Memlekettık eltaŋbasynyŋ avtory Jandarbek Mälıbekov rämızderdıŋ maŋyzdylyǧyn atap ötıp, öŋırlık nyşandardy jüieleu bastamasyn qoldaitynyn bıldırdı.
Sonymen qatar tūŋǧyş rämıztanuşy Erbol Şaimerdenovtyŋ jary, ūstaz Küläş Qaiyrjanqyzy memlekettık rämızderdı äzırleu kezeŋındegı qiyndyqtar men estelıkterımen bölıstı.
Seminar soŋynda qatysuşylar özara pıkır almasyp, ıs-şaraǧa belsendı qatysqany üşın sertifikattar men estelık syilyqtar aldy.
Seminar qorytyndysy boiynşa vedomstvolyq nagradalardy jüieleu jäne olardy ūlttyq geraldikalyq standarttarǧa säikestendıru boiynşa naqty ūsynystar men ūsynymdar äzırlendı. Qatysuşylar vedomstvolyq jäne öŋırlık nyşandardyŋ bırızdılıkpen räsımdeluın, olardyŋ körkemdık jäne mazmūndyq sapasyn arttyrudy, tarihi-mädeni qūndylyqtarǧa säikestıgın qamtamasyz etudıŋ maŋyzdylyǧyn atap öttı. Sonymen qatar, seminar şeŋberınde memlekettık rämızderge qatysty zamanaui qauıp-qaterler men olardy qorǧau joldary talqylandy. Äsırese, sifrlyq keŋıstıkte rämızderdı zaŋsyz paidalanudyŋ aldyn alu, vedomstvolyq marapattardy tırkeu men esepke alu tetıkterın jetıldıru, sondai-aq rämızderdı nasihattau jūmystaryna zamanaui kommunikasiialyq qūraldardy keŋınen engızu qajettıgı köterıldı. Seminarda ūsynylǧan oilar men pıkırler aldaǧy zaŋnamalyq jäne ädıstemelık qūjattardy jetıldıruge negız bolady dep kütılude. Ūiymdastyruşylar mūndai ıs-şaralardy tūraqty türde ötkızıp tūru qajettıgın atap öttı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz