Qazaqstan Respýblıkasy Mádenıet jáne aqparat mınıstrliginiń Arhıv, qujattama jáne kitap isi komıteti geraldıkalyq jumys basqarmasy men «Geraldıkalyq zertteýler ortalyǵy» RMM-niń uıymdastyrýymen «Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri» taqyrybynda respýblıkalyq semınar ótti.
Eki kúnge sozylǵan bul sharaǵa elimizdiń barlyq óńirlerinen memlekettik organdardyń ókilderi, sondaı-aq Qazaqstan Respýblıkasy Ishki ister mınıstrligi men Saýda jáne ıntegraııa mınıstrliginiń mamandary, Májilis depýtattary men qoǵam qaıratkerleri qatysty.
Semınardyń basty maqsaty – memlekettik rámizder men vedomstvolyq marapattardyń júıelenýin qamtamasyz etý, olardyń nasıhattalýyn kúsheıtý, ulttyq standarttar men zań talaptarynyń oryndalýyn qadaǵalaý, sondaı-aq adal eńbek etken azamattardy marapattaý rásimin retke keltirý.
Memleket basshysy buǵan deıin Ulttyq quryltaı barysynda geraldıka máselesin birneshe ret kótergen bolatyn. Máselen, Túrkistanda ótken jıynda óńirlik nyshandardy júıeleý máselesi talqylansa, Býrabaıdaǵy otyrysta vedomstvolyq marapattardy retteý tapsyrylǵan edi.
Semınar barysynda óńirlik nyshandardy zań talaptaryna saı bekitý, memlekettik rámizderge qatysty quqyq buzýshylyqtardy anyqtaý jáne olarǵa shara qoldaný, memlekettik rámizderdi paıdalaný tártibi men ulttyq standarttardyń saqtalýyn qamtamasyz etý, sondaı-aq Memlekettik rámizder kúnin laıyqty deńgeıde atap ótý máseleleri jan-jaqty qarastyryldy.
Alǵashqy kúni Arhıv, qujattama jáne kitap isi komıteti geraldıkalyq jumys basqarmasynyń basshysy Gúldana Argenova Prezıdent tapsyrmasyna sáıkes óńirlik nyshandardy birizdendirý boıynsha atqarylyp jatqan jumystardy baıandady.
Ishki ister mınıstrliginiń ókili Aıda Baıalıeva memlekettik rámizderge qatysty quqyq buzýshylyqtardy ýaqytynda anyqtaý men tıisti shara qoldaný jóninde baıandama jasady. Al Saýda jáne ıntegraııa mınıstrliginiń mamany Qazbek Nurbek memlekettik rámizderdiń ulttyq standarttarǵa sáıkestigine toqtaldy.
Semınardyń ekinshi kúni Májilis depýtaty Abzal Quspan memlekettik rámizderge qatysty zańnamalyq ózgerister engizý jáne jaýapkershilikti kúsheıtý máselesin kóterdi. Qazaqstan Respýblıkasynyń Memlekettik eltańbasynyń avtory Jandarbek Málibekov rámizderdiń mańyzdylyǵyn atap ótip, óńirlik nyshandardy júıeleý bastamasyn qoldaıtynyn bildirdi.
Sonymen qatar tuńǵysh rámiztanýshy Erbol Shaımerdenovtyń jary, ustaz Kúlásh Qaıyrjanqyzy memlekettik rámizderdi ázirleý kezeńindegi qıyndyqtar men estelikterimen bólisti.
Semınar sońynda qatysýshylar ózara pikir almasyp, is-sharaǵa belsendi qatysqany úshin sertıfıkattar men estelik syılyqtar aldy.
Semınar qorytyndysy boıynsha vedomstvolyq nagradalardy júıeleý jáne olardy ulttyq geraldıkalyq standarttarǵa sáıkestendirý boıynsha naqty usynystar men usynymdar ázirlendi. Qatysýshylar vedomstvolyq jáne óńirlik nyshandardyń birizdilikpen rásimdelýin, olardyń kórkemdik jáne mazmundyq sapasyn arttyrýdy, tarıhı-mádenı qundylyqtarǵa sáıkestigin qamtamasyz etýdiń mańyzdylyǵyn atap ótti. Sonymen qatar, semınar sheńberinde memlekettik rámizderge qatysty zamanaýı qaýip-qaterler men olardy qorǵaý joldary talqylandy. Ásirese, ıfrlyq keńistikte rámizderdi zańsyz paıdalanýdyń aldyn alý, vedomstvolyq marapattardy tirkeý men esepke alý tetikterin jetildirý, sondaı-aq rámizderdi nasıhattaý jumystaryna zamanaýı kommýnıkaııalyq quraldardy keńinen engizý qajettigi kóterildi. Semınarda usynylǵan oılar men pikirler aldaǵy zańnamalyq jáne ádistemelik qujattardy jetildirýge negiz bolady dep kútilýde. Uıymdastyrýshylar mundaı is-sharalardy turaqty túrde ótkizip turý qajettigin atap ótti.
