Ulytaý oblysynyń turǵyny temir-margane rýdasyn Reseıge zańsyz satyp, 3 mıllıard teńgeden astam paıda tapqan. Bul týraly búgin, 7 sáýirde Qarjy monıtorıngi agenttigi aıtty, dep habarlaıdy «Adyrna» tilshisi.
«Kúdikti 2020-2023 jyldar aralyǵynda «Shyǵys Qarajal» karerinen margane rýdasyn lıenzııa men jer qoınaýyn paıdalaný kelisimsharty joq bolǵan kúıde zańsyz óndirgen. Nátıjesinde alynǵan rýdanyń kólemi 16 myń tonnadan, al memleketke kelgen shyǵyn 1,1 mıllıard teńgeden asty. Qylmystyq tabysty zańdastyrý maqsatynda ol jalǵan kelisimder jasap, ózine baqylaýdaǵy jaýapkershiligi shekteýli seriktestikter arqyly óńdelgen temir-margane rýdasyn elimizde jáne Reseı Federaııasynda satqan»,—delingen habarlamada.
QMA málimetinshe, qylmystyq tabys 3,5 mıllıard teńgeden asqan.
Sot úkimimen kásipker kináli dep tanylyp, 6 jyl 8 aıǵa bas bostandyǵynan aıyrý jazasyna kesildi. Sondaı-aq, onyń 97,8 mıllıon teńgege baǵalanǵan múlki, sonyń ishinde 5 avtokólik pen aýyl sharýashylyǵy qojalyǵy tárkilendi.
Sot úkimi zańdy kúshine engen joq.
