Búgin — qazaq tarıhyndaǵy tuńǵysh kásipqoı balýan Qajymuqan Muńaıtpasovtyń týǵan kúni, dep habarlaıdy «Adyrna» tilshisi.
Ol 1871 jyly 7 sáýirde Aqmola oblysynyń Qaraótkel aýylynda dúnıege kelgen. Qajymuqan Qypshaqtyń Altybas rýynan shyqqan.
Qajymuqan jastaıynan baılarǵa jaldanyp, aýyr jumys istegen. Sol kezde batpaqqa batyp qalǵan ógizdi jalǵyz ózi tartyp shyǵaryp alǵany týraly áńgimeler de bar. Ol 17 jasqa tolmaı jatyp, myqty palýan retinde tanyla bastady. Onyń Aqmola oblysy boıynsha barlyq ataqty palýandardy jeńgeni týraly áńgime búkil qazaq dalasyna tez tarap ketedi. Al 18 jasynda ony ırkke jumysqa shaqyrdy.
Palýan babamyz álemniń 54 memleketinde óner kórsetip, 48 medal jeńip alǵan. Ivan Poddýbnyı, Ivan Shemıakın, Ivan Zaıkın, Aleks Aberg, Georg Lýrıh, Pol Pons, Veıland Shýl syndy balýandarmen birge boz kilemdi sarǵaıtqan.
Aıta keteıik, Muńaıtpasuly turatyn úıde qonaqta bolǵan fılolog-ǵalym Áýelbek Qońyratbaev palýannyń fızıkalyq ólshemderin jazyp alǵan. Sol kezde 75 jastaǵy palýan jalańash turǵanda 174 keli tartqan. Shalbarynyń ózine úsh metr mata, kóılegine 6 metr suryp ketedi eken.
