Qaraǧandyda ekı jasar balany aulada kölık qaǧyp kettı

Qaraǧandydaǧy tūrǧyn üi keşenderınıŋ bırınıŋ aulasynda ekı jasar balany samokatpen jürgen kezde kölık qaǧyp kettı, dep habarlaidy "Adyrna" ūlttyq portaly.  Oblystyq polisiia departamentınıŋ baspasöz qyzmetınıŋ mälımetınşe, oqiǧa 5 säuır künı keşkı saǧat 21:00 şamasynda bolǧan. «36 jastaǧy Chevrolet Nexia kölıgınıŋ jürgızuşısı jaiau jürgınşıler ötkelınen samokatpen ötıp bara jatqan 2 jasar balany qaǧyp ketken. Jol-kölık oqiǧasy saldarynan bala medisinalyq mekemege jetkızıldı», – dep habarlady polisiia. Qajettı saraptamalar taǧaiyndaldy, olardyŋ nätijesı boiynşa prosessualdyq şeşım qabyldanatyn bolady. Qūqyq qorǧau organdary jürgızuşılerge tūrǧyn üiler ornalasqan aumaqtarda jol qozǧalysy erejelerın qataŋ saqtaudy eskerttı. Al ata-analarǧa – tıptı kölık qozǧalysy şekteulı aulalarda da balalardy qarausyz qaldyrmauǧa keŋes berıldı.