AQŞ-tyŋ prezidentı Donald Tramp pen milliarder İlon Maskqa qarsy el aumaǧynda narazylyq şeruler ötude, dep habarlaidy "Adyrna" ūlttyq portaly Deutsche Welle-ge sılteme jasap.
Basylymnyŋ mälımetınşe, senbı künı azamattyq qūqyqtardy qorǧau ūiymdary, käsıpodaqtar, azşylyqtardy qorǧau qauymdastyqtary, ardagerler men sailau prosesıne qatysqan belsendıler siiaqty 150-ge juyq ūiym 1200-den astam şeru ötkızudı josparlaǧan.
Narazylyq şaralary Vaşingtondaǧy Ūlttyq Moll, är ştattaǧy Kapitolii maŋyndaǧy audandar men eldıŋ 50 ştatynyŋ basqa da oryndarynda ötken. Ūiymdastyruşylardyŋ aituynşa, AQŞ astanasyndaǧy Vaşington monumentı janynda 20 myŋnan astam adam jinalady dep kütılgen.
Aq üiden bırneşe kvartal jerde «Qolyŋdy tart!» degen jazuy bar alyp banner aşyq aspan astyna ılıngen. Narazylyqqa şyqqandardyŋ keibırı qoldaryna «Menıŋ prezidentım emes!», «Faşizm keldı», «Zūlymdyqty toqtatyŋdar» degen jazuy bar plakattar ūstap tūrǧan.
AP agenttıgınıŋ habarlauynşa, şeruge şyqqandar Tramp äkımşılıgınıŋ myŋdaǧan federaldy qyzmetkerdı jūmystan şyǧaru, tūtas agenttıkterdı ıs jüzınde jabu, immigranttardy elden şyǧaru, transgenderlerdı qorǧaudy qysqartu jäne densaulyq saqtau baǧdarlamalaryn qarjylandyrudy azaitu sekıldı äreketterın qataŋ synǧa alǧan.
5 säuır künı Baltimor maŋyndaǧy AQŞ-tyŋ äleumettık qamsyzdandyru qyzmetınıŋ ştab-päterı aldyna bırneşe jüz adam jinalyp, egde jastaǧy azamattar men mügedekterge järdemaqy töleitın basqarmadaǧy qysqartularǧa narazylyq bıldırdı.
BAQ mälımetınşe, narazylyq şaralary Parijde, Rimde jäne Londonda da ötken. Sonymen qatar Meksika men Kanadada da osyndai şeruler ötkızu josparlanǧan.
