AQSh-tyń prezıdenti Donald Tramp pen mıllıarder Ilon Maskqa qarsy el aýmaǵynda narazylyq sherýler ótýde, dep habarlaıdy "Adyrna" ulttyq portaly Deutsche Welle-ge silteme jasap.
Basylymnyń málimetinshe, senbi kúni azamattyq quqyqtardy qorǵaý uıymdary, kásipodaqtar, azshylyqtardy qorǵaý qaýymdastyqtary, ardagerler men saılaý proesine qatysqan belsendiler sııaqty 150-ge jýyq uıym 1200-den astam sherý ótkizýdi josparlaǵan.
Narazylyq sharalary Vashıngtondaǵy Ulttyq Moll, ár shtattaǵy Kapıtolıı mańyndaǵy aýdandar men eldiń 50 shtatynyń basqa da oryndarynda ótken. Uıymdastyrýshylardyń aıtýynsha, AQSh astanasyndaǵy Vashıngton monýmenti janynda 20 myńnan astam adam jınalady dep kútilgen.
Aq úıden birneshe kvartal jerde «Qolyńdy tart!» degen jazýy bar alyp banner ashyq aspan astyna ilingen. Narazylyqqa shyqqandardyń keıbiri qoldaryna «Meniń prezıdentim emes!», «Fashızm keldi», «Zulymdyqty toqtatyńdar» degen jazýy bar plakattar ustap turǵan.
AP agenttiginiń habarlaýynsha, sherýge shyqqandar Tramp ákimshiliginiń myńdaǵan federaldy qyzmetkerdi jumystan shyǵarý, tutas agenttikterdi is júzinde jabý, ımmıgranttardy elden shyǵarý, transgenderlerdi qorǵaýdy qysqartý jáne densaýlyq saqtaý baǵdarlamalaryn qarjylandyrýdy azaıtý sekildi áreketterin qatań synǵa alǵan.
5 sáýir kúni Baltımor mańyndaǵy AQSh-tyń áleýmettik qamsyzdandyrý qyzmetiniń shtab-páteri aldyna birneshe júz adam jınalyp, egde jastaǵy azamattar men múgedekterge járdemaqy tóleıtin basqarmadaǵy qysqartýlarǵa narazylyq bildirdi.
BAQ málimetinshe, narazylyq sharalary Parıjde, Rımde jáne Londonda da ótken. Sonymen qatar Meksıka men Kanadada da osyndaı sherýler ótkizý josparlanǵan.
