4-14 säuır aralyǧynda Serbiianyŋ batysyndaǧy körkem Zlatibor aimaǧynda ISF U15 2025 mektep oquşylaryna arnalǧan jyl saiynǧy sport festivalı ötedı. Biyl būl jarysqa 55 elden 2 500-den astam jas sportşy qatysady. Qazaqstan qūramasy 22 sportşymen ūsynylyp, olar boks, erkın küres, şahmat jäne dziudo sport türlerınde el namysyn qorǧaidy. Olardyŋ 12-sı - Timur Qūlybaevtyŋ «Halyk» qaiyrymdylyq qorynyŋ qoldauymen jüzege asyrylyp jatqan Auyl Sport jobasynyŋ jeŋımpazdary.
Auyl Sport – auyl sportyn damytuǧa baǧyttalǧan ırı bastama
2024 jyly ıske qosylǧan Auyl Sport – auyl balalaryna arnalǧan eŋ ırı respublikalyq sporttyq jobalardyŋ bırı. Ötken jyly 200 eldı mekennen 12 000 jas sportşy öŋırlık turnirlerge qatysyp, 17 oblystan 1 300 üzdık sportşy finalda öz şeberlıkterın körsettı.«Auyl Sport jobasynyŋ basty maqsaty – sportty damytu ǧana emes, balalardyŋ tūratyn jerıne qaramastan, olarǧa teŋ mümkındık beru. Serbiiadaǧy Gimnaziadaǧa auyl sportşylarynyŋ qatysuy – osy maqsattyŋ jüzege asyp jatqanynyŋ aiqyn dälelı. Būl – köptegen balalar üşın halyqaralyq arenadaǧy alǧaşqy qadam, olar älemnıŋ eŋ üzdık jas sportşylarymen bäsekege tüsıp, Qazaqstannyŋ namysyn qorǧaidy. Būl – Auyl Sport jobasy üşın ülken ümıt syilaityn jäne şabyttandyratyn bastama. Barlyq sportşylarǧa sättılık tıleimız!» – dep atap öttı «Halyk» qorynyŋ atqaruşy direktory Ǧalymbek Jaqsylyqov.
Qazırgı taŋda Auyl Sport aiasynda boks, küres, karate, basketbol, voleibol jäne şahmat sport türlerı boiynşa jarystar ötkızılıp keledı. 2025 jyldan bastap jobaǧa üstel tennisı de qosylady.
Jeŋımpazdar oqiǧasy: armanǧa aparar jol
«Auyl Sport – men üşın jai ǧana jarys emes, jaŋa ömırge bastar jol. Osy jobanyŋ respublikalyq turnirınde jeŋımpaz atanyp, Serbiiadaǧy halyqaralyq Gimnaziadaǧa bara jatqanym men üşın ülken jetıstık. Ata-anam men tuǧan auylymnyŋ ümıtın aqtau üşın barymdy salamyn», – deidı Aibek Sadyq, Auyl Sport jobasynyŋ jeŋımpazy.
«Men öz balamnyŋ jetıstıkterımen maqtanamyn. Auyl Sport jobasy men "Halyk" qorynyŋ qoldauynyŋ arqasynda ol halyqaralyq arenada öz mümkındıkterın körsetuge jol aşty. Būryn būl bız üşın qol jetpes arman sekıldı körınetın. Ata-ana retınde bız zor alǧysymyzdy bıldıremız. Būl joba ärbır balaǧa öz äleuetın aşuǧa jäne öz armanyna jaqyndauǧa mümkındık beredı», – deidı joba finalisterınıŋ bırınıŋ ata-anasy.
«Halyk» qory – auyl sportyna serpın bergen qoldau
Timur Qūlybaevtyŋ «Halyk» qaiyrymdylyq qory halyqtyŋ äl-auqatyn arttyruǧa jäne az qamtylǧan azamattarǧa qoldau körsetuge baǧyttalǧan bırqatar äleumettık jobalardy jüzege asyryp keledı. Auyl sportyn damytuǧa qor 500 million teŋgege juyq qarjy böldı.
ISF U15 2025 – qazaqstandyq jas sportşylar üşın jaŋa belesterge bastar mümkındık. Olarǧa jeŋıs pen sättılık tıleimız!
