Qazaqstannyŋ sauda jäne integrasiia ministrlıgı AQŞ prezidentı Donald Tramptyŋ jaŋa sauda tarifterıne qatysty jarlyǧynan keiın resmi mälımdeme jasady, dep habarlaidy "Adyrna" ūlttyq portaly.
Ministrlıktıŋ mälımetınşe, aldyn ala jürgızılgen taldau nätijesı boiynşa Qazaqstannan AQŞ-qa eksporttalatyn tauarlardyŋ basym bölıgı qosymşa tariftık şekteulerge ılıkpeidı. Öitkenı būl önımder AQŞ äkımşılıgınıŋ erekşe jaǧdailar tızımıne engızılgen.
Ūlttyq statistika biurosynyŋ derekterıne säikes, 2024 jyly Qazaqstan men AQŞ arasyndaǧy tauar ainalymy 4,2 mlrd AQŞ dollaryna jetıp, ötken jylmen salystyrǧanda 4%-ǧa artqan. Qazaqstannyŋ AQŞ-qa eksporty 30,6%-ǧa ösıp, 2,0 mlrd AQŞ dollaryn qūrady, al AQŞ-tan Qazaqstanǧa import kölemı 2,2 mlrd AQŞ dollaryn qūrady.
Qazaqstan AQŞ-qa negızınen şikı mūnai, uran, kümıs, ferrosplavtar jäne basqa da önımderdı eksporttaidy. Būl tauarlar AQŞ prezidentınıŋ "Tauarlar saudasyndaǧy maŋyzdy jäne tūraqty tapşylyqty joiu maqsatynda özara tarifter arqyly importty retteu turaly" Jarlyǧy boiynşa erekşelıkter tızımıne engızılgen. Osylaişa, Qazaqstandyq tauarlardyŋ 92%-yna qosymşa tarifter qoldanylmaidy.
Qosymşa baj salyǧy belgılı bır tauar toptaryna ǧana qatysty engızıledı. Būl tauarlardyŋ eksport kölemı 2024 jyly 95,2 mln AQŞ dollaryn qūrady. Atap aitqanda, fosfor – 15,9 mln AQŞ dollary, ferrosilisii – 12,7 mln AQŞ dollary, linzalar – 4,1 mln AQŞ dollary, bidai kleikovinasy – 4 mln AQŞ dollary, ammonii nitraty – 2,4 mln AQŞ dollary
Jalpy, qabyldanǧan tariftık şaralar Qazaqstannyŋ AQŞ-qa eksportynyŋ 4,8%-yna ǧana äser etedı. Ükımet Qazaqstanǧa qatysty qosymşa bajdardy qoldanbau mümkındıgın talqylau üşın AQŞ-pen kelıssözder jürgızuge niettı.
AQŞ prezidentı Donald Tramp "ädıl bäsekelestıktı qalpyna keltıru" jäne amerikalyq öndıruşılerdı qorǧau maqsatynda jahandyq sauda tarifterın engızetının mälımdegen bolatyn. Qazaqstan būl saiasatqa ılıkken elderdıŋ qataryna endı. Endı Qazaqstannan AQŞ-qa eksporttalatyn keibır önımderge 27% mölşerınde baj salyǧy salynady.
Ūqsas jaŋalyqtar
