Almatyda Qarasaı aýdanynan kúıgen adamnyń denesi bar órtengen avtokólik tabyldy, dep habarlaıdy “Adyrna” ulttyq portaly.
Oqıǵa ornynan túsirilgen vıdeo «Pısma Prezıdentý» Telegram-arnasynda jarııalanǵan. Aqparatqa sáıkes, kólik 31 naýryzda demalys aımaǵynyń mańynan tabylǵan.
Almaty oblystyq polıııa departamentiniń málimetinshe, kisi óltirý faktisi boıynsha aldyn ala tergeý bastalǵan.
«Jedel-izdestirý sharalary barysynda 43 jastaǵy kúdikti izin sýytpaı anyqtalyp, ustalyp, ýaqytsha ustaý ızolıatoryna qamaldy. Qylmystyń barlyq mán-jaıyn obektıvti zertteý úshin qajetti tergeý amaldary júrgizilýde», – delingen habarlamada.
Polıııa qylmystyń egjeı-tegjeıin ashyp aıtpady, biraq áleýmettik jelilerde kúdikti óz bıznes-seriktesin balǵamen basynan uryp óltirip, keıin izin jasyrý úshin máıitti kólikpen birge órtep, qashyp ketkeni aıtylýda.
