Premer-mınıstrdiń orynbasary – Ulttyq ekonomıka mınıstri Serik Jumanǵarın áleýmettik jelilerdegi zańsyz lotereıalar men utys oıyndaryn baqylaýdy kúsheıtýge qatysty depýtattardyń saýalyna jaýap berdi, dep habarlaıdy «Adyrna» tilshisi.
Aıtýynsha, qazaqstandyq blogerlerge qaznette utys oıyndaryn ótkizý zańsyz ekendigi týraly túsindirý jumystary júrgizilip jatyr. Odan bólek, zańbuzýshylyqtardy anyqtaý úshin ınternet keńistigi táýlik boıy baqylanady.
«Jyl basynan beri monıtorıng barysynda 1870 ınternet-alaıaqtyq faktisi anyqtaldy.Onyń ishinde 389 fakti áleýmettik jelide bolsa, 1480 resýrs pen siltemege kirýge shekteý qoıylǵan. Onlaın-kazıno qyzmeti boıynsha 8616 jaǵdaı anyqtaldy, onyń 6399-y áleýmettik jelilerde, 2195 ınternet-resýrstar men siltemelerge shekteý qoıyldy. Zańǵa sáıkes, ınflıýenser (bloger) – belgisiz adamdar tobyna arnap onlaın-platformada aqparat jarııalaıtyn jáne ony kásipkerlik maqsatta paıdalanatyn adam. Qazaqstan zańnamasy ınflıýenserlerdiń kásipkerlik qyzmetin retteıdi jáne ıfrlyq ortadaǵy zańsyz lotereıalar men basqa da quqyq buzýshylyqtar úshin jaýapkershilik belgileıdi»,– dedi sheneýnik.
Ol zańsyz lotoreıa ótkizgenderge 100-den 2000 aılyq eseptik kórsetkishke deıingi mólsherde aıyppul salynyp, zańsyz tabys tárkilenetinin málimdedi. Jumanǵarın qazirgi ýaqytta «Sátti Juldyz» akıonerlik qoǵamy ǵana resmı lotereıa operatory ekenin atap ótti.
