Halyqaralyq World Press Photo baıqaýynyń 2025 jylǵy jeńimpazdary belgili boldy, dep habarlaıdy "Adyrna" ulttyq portaly DW-ǵa siltep.
Bıyl 30 elden 42 fotograftyń jumysy úzdik dep tanyldy. Júldege ıe bolǵandar arasynda Bangladesh, Belarýs, Brazılııa, Germanııa, Franııa, Italııa jáne basqa da elderdiń ókilderi bar.
Bıylǵy baıqaýǵa 141 elden 3778 fotograf 59 320 fotosýret usynǵan. Baıqaýdyń jeńimpazdary ár aımaq boıynsha (Azııa, Afrıka, Eýropa, Soltústik jáne Ortalyq Amerıka, Ońtústik Amerıka, Ońtústik-Shyǵys Azııa jáne Okeanııa) úsh nomınaııada anyqtaldy. Open Format nomınaııasy bıyldan bastap alynyp tastaldy.
2025 jylǵy jeńimpazdardyń qatarynda Reseılik TASS agenttiginiń fototilshisi Mıhaıl Tereenko bar. Onyń "Grýzııadaǵy narazylyqtar" atty fotojobasy "Fotoreportaj" (Stories) sanatynda úzdik dep tanyldy.
Baıqaý uıymdastyrýshylarynyń aıtýynsha, bul joba demokratııalyq ustanymdar men narazylyq qozǵalystarynyń mańyzdylyǵyn kórsetedi.
Ótken jyldary ýkraınalyq fotojýrnalıster baıqaýda birneshe ret jeńimpaz atanǵan bolatyn. Alaıda bıyl ýkraınalyq fotograftardyń jumystary úzdik dep tanylǵan joq. Degenmen, soǵystyń saldaryn beıneleıtin birneshe jumys marapattaldy.
Mysaly, nemis fotografy Florıan Bahmaıer Ýkraınadaǵy soǵys zardabyn tartqan alty jasar Angelınanyń portretimen jeńiske jetti. Sondaı-aq, nemis fotografy Nanna Haıtman Donbasstaǵy dala gospıtalin sýrettegen jumysy úshin marapattaldy.
Júldegerler arasynda belorýs fotografy Tatıana Chıpsanova da bar. Ol Jańa Zelandııadaǵy maorı halqy týraly uzaq merzimdi jobasy úshin marapattaldy.
Palestınalyq fotograf Alı Djadalla Izraıldiń Gaza sektoryna jasaǵan shabýyldaryn kórsetken fotoreportajy úshin júldege ıe boldy.
Barlyq jeńimpazdardyń jumystary World Press Photo dástúrli kórmesinde kópshilik nazaryna usynylady.
