Memlekettık rämızder – ūlttyq maqtanyş pen täuelsızdıktıŋ aiqyn beinesı

Qazaqstan Respublikasynyŋ Memlekettık rämızderı – egemendıgımız ben ūlttyq bıregeilıgımızdıŋ basty belgılerı. Olar – Tu, Eltaŋba jäne Änūran. Memlekettık rämızder 1992 jyly 4 mausymda bekıtıldı. Osy kün Qazaqstanda Memlekettık rämızder künı retınde atap ötıledı. Kök tüstı tu – beibıtşılık pen aşyq aspandy, al ortasyndaǧy altyn kün – ömır men ösıp-örkendeudı bıldıredı. Qyran qūs – erkındık pen biık maqsattardyŋ belgısı. Tudyŋ avtory – Şäken Niiazbekov. Eltaŋbanyŋ ortasynda şaŋyraq, onyŋ ainalasynda uyqtar beinelengen. Būl – bırlıktı, yntymaqty bıldıredı. Onyŋ avtorlary – Jandarbek Mälıbekov pen Şot-Aman Uälihanov. Al, änūrannyŋ qazırgı nūsqasy 2006 jyly qabyldandy. Onyŋ sözı Jūmeken Näjımedenov pen Nūrsūltan Nazarbaevqa, änı Şämşı Qaldaiaqovqa tiesılı. Qazırgı taŋda Qazaqstanda Memlekettık rämızderdı nasihattau boiynşa türlı şaralar ūiymdastyrylyp keledı. Jyl saiyn 4 mausymda respublikalyq deŋgeide ıs-şaralar ötkızıledı. Oqu oryndarynda, memlekettık mekemelerde, äskeri bölımderde jäne käsıporyndarda Memlekettık Tudyŋ köterılu räsımderı ötedı. Sondai-aq, jastar arasynda patriottyq sezımdı oiatu maqsatynda konkurstar, viktorinalar, fleşmobtar jäne arnaiy därıster ūiymdastyrylady. Mäselen, 2024 jyly rämızder künınde 500-ge juyq ıs-şara ötken. Qala tūrǧyndary men qonaqtaryna 500 jalau tegın taratylyp, tanymal ärtısterdıŋ qatysuymen qonsert ūiymdastyrylǧan. Bırlık pen otansüigıştıktı därıptegen jiyndarǧa äsırese jastar belsene qatysuda. Olar änūran oryndauǧa bükıl tuystaryn şaqyryp äkelgen. Forum aiasynda Tu şeruı de ötkızılgen. Sondai-aq, Talǧat Bigeldinov atyndaǧy «Jas ūlan» mektebınıŋ tärbielenuşılerı kök bairaqtardy jelbıretın sap tüzıp jürıp öttı. Mūndai erekşe ıs-şaralar elımızdıŋ tükpır-tükpırınde ötkızıldı. Airyqşa este qalǧany Qonaev qalasy. Onda paraşiutşıler elımızdıŋ kök bairaǧyn kökte jelbıretse, 30 baikerden tūratyn motosiklşıler şeruı jinalǧan jūrtşylyqqa merekelık köŋıl-küi syilady. Būdan bölek, rämızderdı qūrmetteudı arttyru maqsatynda būqaralyq aqparat qūraldarynda, äleumettık jelılerde arnaiy beinerolikter körsetılıp, ügıt-nasihat jūmystary jürgızıledı. Jaŋa tūrǧyn üilerdıŋ qasbetıne memlekettık Tu ılu dästürge ainalyp keledı. Elımızde Memlekettık rämızderıge ūqypty jäne qūrmetpen qarau qarqyndy türde nasihattalǧanyna qaramastan, olarǧa laiyqty qūrmet körsetpeitınder de tabylady. Qazaqstan Respublikasynyŋ zaŋnamasyna säikes, Memlekettık rämızderge qūrmetsızdık tanytqan azamattar äkımşılık nemese qylmystyq jauapkerşılıkke tartylady. Äkımşılık qūqyq būzuşylyq turaly kodekstıŋ 458-babyna säikes: Memlekettık rämızderdı qorlaǧandarǧa 200 AEK (ailyq eseptık körsetkış) kölemınde aiyppūl salynady nemese 15 täulıkke deiın äkımşılık qamauǧa alynady. Eger rämızderdı qorlau auyr qūqyq būzuşylyq retınde tanylsa, Qylmystyq kodekstıŋ 372-babyna säikes, kınälı tūlǧaǧa ırı kölemde aiyppūl salynyp, 2 jylǧa deiın bas bostandyǧynan aiyru jazasy qoldanyluy mümkın. Memlekettık rämızder – ärbır azamattyŋ maqtanyşy ärı ūlttyq qūndylyq. Olardy qūrmetteu – eldı, onyŋ tarihyn jäne bolaşaǧyn qūrmetteu degen söz. Ärbır qazaqstandyq rämızderge qūrmetpen qarap, olardyŋ maŋyzyn tüsınıp, keler ūrpaqqa jetkızuge atsalysuy qajet. Tek sonda ǧana bız täuelsızdıgımızdı nyǧaityp, ūlttyq ruhymyzdy kötere alamyz.