Aqtaudaǧy 19-şaǧyn audanda qoqys jäşıkterı jer astyna tüsıp ketken, dep habarlaidy "Adyrna" ūlttyq portaly Lada.kz saityna sılteme jasap.
Merdıger kompaniiaǧa qalpyna keltıru jūmystaryn jürgızu mındetteldı.
Oqiǧa "Rahat-2" tūrǧyn üi keşenı aumaǧynda bolǧan. Tūrǧyndardyŋ aituynşa, tolassyz jauyn-şaşyn saldarynan topyraqty su şaiyp, jaŋadan ornatylǧan jerasty qoqys konteinerlerı jerge tüsıp ketken.
"Būl – material sapasyna mülde nemqūraily qaraudyŋ belgısı. Alǧaşqy jauyn-şaşynda-aq aqaular anyqtaldy," – deidı köpqabatty üidıŋ tūrǧyndary.
Aqtau qalalyq äkımdıgınıŋ baspasöz qyzmetı mälımdegendei, būl mäselemen TKŞ bölımı ainalysyp jatyr. Öz kezegınde, olar merdıger ūiymǧa barlyǧyn bastapqy qalpyna keltırudı tapsyrǧan.
Qazırgı uaqytta oqiǧa ornynda qorşaular qoiylǧan. Şeneunıkterdıŋ aituynşa, qalpyna keltıru jūmystary aua raiy tūraqtanǧannan keiın jürgızıledı.
Äzırge merdıger ūiymnyŋ atauy jariialanǧan joq. Sonymen qatar, atalǧan urnalar men jūmystarǧa qanşa qarajat bölıngenı belgısız.
