Aqtaýdaǵy 19-shaǵyn aýdanda qoqys jáshikteri jer astyna túsip ketken, dep habarlaıdy "Adyrna" ulttyq portaly Lada.kz saıtyna silteme jasap.
Merdiger kompanııaǵa qalpyna keltirý jumystaryn júrgizý mindetteldi.
Oqıǵa "Rahat-2" turǵyn úı kesheni aýmaǵynda bolǵan. Turǵyndardyń aıtýynsha, tolassyz jaýyn-shashyn saldarynan topyraqty sý shaıyp, jańadan ornatylǵan jerasty qoqys konteınerleri jerge túsip ketken.
"Bul – materıal sapasyna múlde nemquraıly qaraýdyń belgisi. Alǵashqy jaýyn-shashynda-aq aqaýlar anyqtaldy," – deıdi kópqabatty úıdiń turǵyndary.
Aqtaý qalalyq ákimdiginiń baspasóz qyzmeti málimdegendeı, bul máselemen TKSh bólimi aınalysyp jatyr. Óz kezeginde, olar merdiger uıymǵa barlyǵyn bastapqy qalpyna keltirýdi tapsyrǵan.
Qazirgi ýaqytta oqıǵa ornynda qorshaýlar qoıylǵan. Sheneýnikterdiń aıtýynsha, qalpyna keltirý jumystary aýa raıy turaqtanǵannan keıin júrgiziledi.
Ázirge merdiger uıymnyń ataýy jarııalanǵan joq. Sonymen qatar, atalǵan ýrnalar men jumystarǵa qansha qarajat bólingeni belgisiz.
