Tbılısıde ótip jatqan paradzıýdodan Álem kýboginde Qazaqstan sportshylary joǵary nátıje kórsetti, dep habarlaıdy "Adyrna" ulttyq portaly.
Áıelder arasyndaǵy J2 -52 kg salmaq dárejesinde beldesken Aqmaral Naýatbek jarys chempıony atandy. Ol fınalda Germanııa sportshysy Izobel Taıdy aýyrtý ádisi arqyly jeńip, altyn medal ıelendi.
Aıta keteıik, bul – Aqmaral Naýatbektiń 2024 jylǵy Parıj paralımpıadasynan keıingi alǵashqy jarysy. Ol Olımpıada chempıondaryna ǵana arnalǵan altyn jazýly kımonoda kúresip, óziniń myqtylyǵyn taǵy bir dáleldedi.
Eske sala keteıik, Aqmaral Naýatbek – 2024 jylǵy Parıj paralımpıadasynyń chempıony. Osy jeńisinen keıin ol «Daryn» jastar syılyǵy men «Halyq súıiktisi» arnaıy syılyǵyna ıe bolǵan edi.
Budan bólek, J1 -52 kg sanaty boıynsha synǵa túsken 18 jastaǵy Alfııa Tilekqabyl da altynnan alqa taqty. Fınalda beıtarap tý astynda beldesken Vıktorııa Potapovany jeńgen jas sportshy fınalǵa jetý jolynda eki birdeı Paralımpıada júldegerin jarystan shyǵardy.
Erler arasynda Qazaqstan namysyn qorǵaǵan Ǵalymjan Smaǵululy (J2 -82 kg) fınalda latvııalyq qarsylasyna jol berip, kúmis medalǵa ıe boldy.
