21 naýryz kúni Soltústik Qazaqstan oblysy, Ýálıhanov aýdanyna qarasty Qaırat aýylynda beton plıtanyń qulaýy saldarynan 12 jastaǵy bala qaza tapty, dep habarlaıdy "Adyrna" ulttyq portaly Orda.kz-ke silteme jasap.
Marqumnyń otbasy burynǵy keńshardyń MTM ǵımaratynda mal ustaǵan. Sol jerde júrgen bala qulaǵan qabyrǵanyń astynda qalǵan. Aýyr beton plıtasyn tek traktordyń kómegimen kóterýge múmkindik bolǵan.
Soltústik Qazaqstan oblysynyń polıııa departamenti de qaıǵyly oqıǵany rastady. Alaıda olardyń aqparatyna sáıkes, tótenshe jaǵdaı jekemenshik úıdiń aýlasynda oryn alǵan.
"21 naýryz kúni saǵat 19:35 shamasynda Ýálıhanov aýdany Qaırat aýylynda jekemenshik úıdiń aýlasynda saraı qabyrǵasynyń qulaýy saldarynan 12 jastaǵy bala kóz jumdy. Ol alǵan jaraqattarynyń saldarynan oqıǵa ornynda jan tásilim etti. Atalǵan fakti boıynsha qylmystyq is tirkelip, tergeý amaldary júrgizilýde", – dep habarlady SQO polıııa departamentiniń baspasóz qyzmeti.
Qaırat aýylynda Keńes Odaǵy dáýirinde salynǵan, qazirgi ýaqytta ıesiz qalǵan jáne jartylaı qıraǵan birneshe ǵımarat bar. Jergilikti turǵyndar mundaı qaıǵyly jaǵdaılardyń qaıtalaný qaýpi bar ekenin aıtyp, alańdaýshylyq bildirdi.
