Aqordanyń baspasóz qyzmeti Ulystyń uly kúni – Naýryz merekesine arnalǵan arnaıy beınerolıkti kópshilik nazaryna usyndy, dep habarlaıdy "Adyrna" ulttyq portaly.
Qazaqstan Prezıdenti Qasym-Jomart Toqaev elordadaǵy "EXPO" kórme ortalyǵynda ótken Naýryz merekesine arnalǵan sharaǵa qatysyp, halyqpen birge kóktemniń kelýin toılady.
Memleket basshysyn Naýryz merekesimen Túrkııa Prezıdenti Rejep Taııp Erdoǵan, Reseı Prezıdenti Vladımır Pýtın, QHR Tóraǵasy Sı zınpın, Ózbekstan Prezıdenti Shavkat Mırzııoev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ázerbaıjan Prezıdenti Ilham Álıev, Iran Prezıdenti Masýd Pezeshkıan, Palestına Prezıdenti Mahmud Abbas, sondaı-aq Tatarstan Raısy Rýstam Mınnıhanov jáne basqa da halyqaralyq uıymdardyń basshylary quttyqtady.
Memleket basshysy óz kezeginde birqatar eldiń basshylaryna Naýryz meıramyna oraı quttyqtaý jedelhattaryn joldap, izgi tilekterin bildirdi.
