Reseilık Sirena Travel kompaniiasy Qazaqstan azamattarynyŋ jeke derekterınıŋ aşyq qoljetımdı boluyna kınälı dep tanylyp, jazalanǧany belgılı boldy, dep habarlaidy “Adyrna” ūlttyq portaly.
Būl turaly QR Sifrlyq damu, innovasiialar jäne aeroǧaryş önerkäsıbı ministrlıgıne qarasty aqparattyq qauıpsızdık komitetınıŋ töraǧasy Ruslan Äbdıqalyqov mälımdedı.
“Bız ötken aptada Reseidıŋ Roskomnadzorynan resmi jauap aldyq. Olar kompaniianyŋ reseilık zaŋnamaǧa säikes jazalanǧanyn habarlady”, – dedı Äbdıqalyqov Ortalyq kommunikasiialar qyzmetındegı brifingte.
Alaida Sirena Travel qandai jazaǧa tartylǧany belgısız. Sonymen qatar, Abdikalikov derekterdıŋ taraluynan zardap şekken qazaqstandyqtar tek sotqa jügınu arqyly ǧana ötemaqy talap ete alatynyn aitty.
“Ökınışke qarai, qazır Qazaqstan men Resei zaŋnamasynda mūndai ötemaqy töleu prosedurasy qarastyrylmaǧan. Bız būl baǧytta jūmys ıstep jatyrmyz. Bolaşaqta kibersaqtandyru jüiesı engızılse, azamattar ötemaqyny oŋai ala alady. Al qazır jalǧyz jol – Resei Federasiiasynyŋ sotyna şaǧym tüsırıp, şyǧyndy däleldeu”, – dep tüsındırdı ol.
Eske sala keteiık, 2023 jyldyŋ soŋynda Qazaqstan azamattarynyŋ aty-jönı, tölqūjat nömırı jäne basqa da derekterı internette erkın qoljetımdı bolǧany anyqtaldy. Ol kezde Ruslan Äbdıqalyqov aqparattyŋ Resei aumaǧynda ornalasqan Sirena Travel kompaniiasynyŋ kınäsınen taraǧanyn mälımdegen edı.
Ūqsas jaŋalyqtar
