Astanadaǵy turǵyn úı kesheniniń lıftinde pyshaqpen shabýyl jasalǵan bes jasar balanyń sol jaq beti qozǵalmaı qalǵan. Bul týraly Tengrinews.kz tilshisine anasy onyń qazirgi jaǵdaıy týraly aıtyp berdi, dep habarlaıdy “Adyrna”.
Anasynyń aıtýynsha, balaǵa jaraqattan keıingi neıropatııa dıagnozy qoıylǵan – bul bet júıkesiniń zaqymdanýy, sonyń saldarynan onyń sol jaq beti qozǵalmaı qalǵan. Qazir ol fızıoterapııa kýrsynan ótip jatyr, alaıda dárigerler áli naqty boljam jasaı almaı otyr.
"Sol jaǵy qozǵalmaıdy. Dárigerler qalpyna kelý proesi biraz ýaqyt alýy múmkin deıdi. Qosymsha ota jasaý qajettiligi týraly ázirge naqty eshkim eshteńe aıta almaıdy. Bir jyldyń ishinde ońaltý barysynda belgili bolady", – dedi zardap shekken balanyń anasy.
Mamandardyń aıtýynsha, mundaı jaraqattar kezinde kóp nárse aǵzanyń jeke erekshelikteri men reabılıtaııanyń tıimdiligine baılanysty. Fızıoterapııa júıke men bulshyqetterdi yntalandyrýǵa baǵyttalǵan, alaıda qalpyna kelý proesi uzaqqa sozylýy múmkin. Dárigerler balanyń jaǵdaıyn únemi baqylap otyr, biraq ázirge ota qajet pe, joq pa degen suraqqa naqty jaýap bere almaıdy.
Eske salaıyq, 2025 jyly 11 aqpanda Astanada 14 jastaǵy jasóspirim lıftide balaǵa pyshaqpen shabýyl jasaǵan. Oqıǵany tergeý kezinde kámelet jasyna tolmaǵan jasóspirim psıhonevrologııalyq dıspanserde esepte turǵany anyqtalǵan.
Astana Polıııa departamenti bastyǵynyń orynbasary Qýanysh Orynbetovtiń aıtýynsha, balaǵa jasalǵan shabýyl boıynsha qylmystyq is qozǵalǵan.
Qalalyq densaýlyq saqtaý basqarmasynyń málimetinshe, zardap shekken bala bes jasta. Oqıǵadan keıin ol kópsalaly №2 qalalyq balalar aýrýhanasynyń jaq-bet hırýrgııasy bólimine jatqyzylǵan.
Dárigerler onyń jalpy jaǵdaıyn aýyr dep baǵalady. Al otadan keıin balanyń jaǵdaıy turaqty ekeni aıtyldy.
