Izraıl 19 qańtarda kúshine engen atysty toqtatý týraly kelisimniń kúshin birjaqty túrde joıyp, "saıası jaǵdaıǵa sáıkes" Gaza sektoryndaǵy HAMAS nysandaryna jappaı soqqy berýdi qaıta bastady, dep habarlaıdy “Adyrna” ulttyq portaly BBC saıtyna siltep.
Málimet boıynsha, Izraıl áskeri seısenbige qaraǵan túni el basshylyǵynyń buıryǵynan keıin Gaza sektoryndaǵy HAMAS nysandaryna áýe soqqylaryn qaıta bastady. Gaza bıligi men jergilikti medıına qyzmetkerleri atqylaý saldarynan ondaǵan adamnyń qaza tapqanyn habarlady.
“Bul HAMAS-tyń bizdiń tutqyndarymyzdy bosatýdan birneshe ret bas tartýynan, sondaı-aq AQSh prezıdentiniń arnaıy ókili Stıv Ýıtkoff pen deldaldar usynǵan barlyq usynystardy qabyldamaýynan keıin boldy. Qazir AHAL Gaza sektoryndaǵy HAMAS terrorıstik uıymynyń nysandaryna soqqy berip jatyr. Bul áskerı operaııanyń negizgi maqsattaryna jetý úshin jasalýda, onyń ishinde tutqyndarymyzdy – tiri nemese qaza tapqandaryn tolyqtaı bosatý talaptary bar”, – delingen premer-mınıstr Bınıamın Netanıahý keńsesiniń málimdemesinde.
HAMAS baqylaýyndaǵy Gaza azamattyq qorǵanys agenttiginiń habarlaýynsha, Izraıldiń áýe shabýyly saldarynan keminde 20 adam, sonyń ishinde bes bala qaza tapty, al ondaǵan adam jaralanǵan. Buǵan deıin Izraıl Gaza sektoryna elektr energııasyn berýdi toqtatqan bolatyn.
