Kókpar tarıhy men mádenıetine arnalǵan 4-tomdyq kitap ázir tur – Abylaıhan Qalnazarov

3302
Adyrna.kz Telegram

Búgin Ulttyq akademııalyq kitaphananyń Farıza Ońǵarsynova zalynda «Ulttyq sport túrleri men mádenıeti akademııasy» qurylǵany habarlandy. Ony «Naýryzym – nurly yrysym» merekelik is-sharasy aıasynda ótken jıynda belgili kúsh mádenıetin zertteýshi, joba quryltaıshysy Abylaıhan Qalnazarov málim etti.

«Meniń «kúsh mádenıeti» uǵymyn aınalymǵa qosyp jatqanymdy bilesizder. Osy baǵytty arnaıy ǵylym retinde damytýǵa kúsh salyp jatyrmyn. Máselen, qazirgi tańda kókparǵa qatysty tórt tomdyq kitaptarym ázir. Másele, tek shyǵarý men qarjyǵa kelip tireldi. Onyń ereksheligi, ulttyq sportty, atap aıtqanda, kókpardy ıdeologııalyq negizde kórsetýinde. Ol kitaptarda Abylaıhan men Qabanbaı, Bógenbaılardyń kókpar tartysqandary týraly derekter bar. Tarıhtaǵy kókparshy bolǵan palýan-batyr analarymyz da qamtyldy. Salaǵa qatysty tyń derekter men ınsaıttar óte kóp», – dedi Abylaıhan Mamyraıhanuly.

Sondaı-aq ol qazirdiń ózinde óz avtorlyǵynda buǵan deıin jaryq kórgen «Balýan tas» qostomdyǵynyń úshinshi tomy, osy tomdardan órbigen «Balýandar álemi» kitaby, «Qazaq kúresiniń» balalarǵa arnalǵan oqýlyǵy men palýandyq pen batyrlyqty nasıhattaıtyn oqýshylarǵa arnalǵan 3 kitapshanyń ázir turǵanyn baıandady.

Aıta keteıik, Ulttyq sport túrleri men mádenıeti akademııasy – qazaq halqynyń barlyq dástúrli sportyn saqtaý, damytý jáne halyqaralyq deńgeıde tanymal etýge baǵyttalǵan ınnovaııalyq ortalyq. Bul akademııa ulttyq sport túrleriniń fızıkalyq, rýhanı-mádenı jáne zııatkerlik qundylyqtaryn zerttep zerdelep, bolashaq urpaqqa jetkizýdi jáne sport arqyly eldik rýhty kúsheıtýdi kózdeıdi.

Atalmysh is-sharaǵa birqatar tanymal tulǵalar jáne mektep oqýshylary men stýdentter qatysty. Bul Ulttyq akademııalyq kitaphananyń naýryz merekesine oraı belgilengen «Shańyraq» kúniniń de mereıin asyrýǵa baǵyttalǵan otyrystardyń biri bolatyn.

Jıyn sońynda kelýshilerge naýryz kóje berilip, baýyrsaqtar taratyldy jáne kópshilik bolyp estelikke fotoǵa tústi.

 

Реклама
  • ИП Попов А.П.
  • ИНН: 602715631406
Близость будет по 2.5 часа! Рецепт здесь
Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
Реклама
  • ИП Попов А.П.
  • ИНН: 602715631406
Девушка из г Вашингтон опозорилась на всю Беларусь! Видео ошеломит
Pikirler