14 naýryz kúni Fýkýok – Astana baǵyty boıynsha ushqan ushaq quspen soqtyǵysqany týraly aqparat jelide tarady, dep habarlaıdy "Adyrna" ulttyq portaly Tengri Travel-ge silteme jasap.
Threads áleýmettik jelisinde qazaqstandyq jolaýshy oqıǵa týraly jazǵan.
"Qazaqstannan Vetnamǵa ushý qıyn ári uzaq, ásirese balalarmen birge. Al bul joly Shymkentke qondyq. Oǵan qosa, bizdiń ushaqqa qus soǵyldy. Degenmen, pılottarǵa úlken alǵys – olar ushaqty esh qıyndyqsyz qondyrdy!" - dep jazǵan jolaýshy.
"Fýkýok – Astana baǵytyndaǵy VSV5355 reısi Shymkentke qarsy jeldiń kúsheıýine baılanysty qosymsha janarmaı quıý úshin qondy. Osy kezde ekıpaj ushaqqa qus soǵylǵanyn anyqtady. Áýe kompanııasy oqıǵanyń saldaryn joıý úshin qosymsha áýe kemesin jiberdi. Jolaýshylarǵa ystyq tamaq berilip, olar ushýdy kútý kezinde qonaq úılerge ornalastyryldy. Jolaýshylardyń qaýipsizdigi – bizdiń basty basymdyǵymyz," – dep habarlady SCAT áýe kompanııasy.
