14 наурыз күні Фукуок – Астана бағыты бойынша ұшқан ұшақ құспен соқтығысқаны туралы ақпарат желіде тарады, деп хабарлайды "Адырна" ұлттық порталы Tengri Travel-ге сілтеме жасап.
Threads әлеуметтік желісінде қазақстандық жолаушы оқиға туралы жазған.
"Қазақстаннан Вьетнамға ұшу қиын әрі ұзақ, әсіресе балалармен бірге. Ал бұл жолы Шымкентке қондық. Оған қоса, біздің ұшаққа құс соғылды. Дегенмен, пилоттарға үлкен алғыс – олар ұшақты еш қиындықсыз қондырды!" - деп жазған жолаушы.
"Фукуок – Астана бағытындағы VSV5355 рейсі Шымкентке қарсы желдің күшеюіне байланысты қосымша жанармай құю үшін қонды. Осы кезде экипаж ұшаққа құс соғылғанын анықтады. Әуе компаниясы оқиғаның салдарын жою үшін қосымша әуе кемесін жіберді. Жолаушыларға ыстық тамақ беріліп, олар ұшуды күту кезінде қонақ үйлерге орналастырылды. Жолаушылардың қауіпсіздігі – біздің басты басымдығымыз," – деп хабарлады SCAT әуе компаниясы.
