AQSh federaldy bıýdjeti arqyly qarjylandyrylatyn «Amerıka daýysy» radıostanııasynyń 1,3 myńnan astam qyzmetkeri ákimshilik demalysqa jiberildi. 83 jyldyq tarıhynda alǵash ret radıostanııanyń habar taratýy toqtatyldy. Bul týraly redakııa dırektory Maıkl Abramovı LinkedIn áleýmettik jelisinde málimdedi, dep habarlaıdy "Adyrna" ulttyq portaly.
«Men qaıǵyryp otyrmyn, sebebi 83 jyl ishinde alǵash ret ańyzǵa aınalǵan «Amerıka daýysy» únsiz qaldy. Búgin tańerteń men radıostanııanyń 1300-den astam jýrnalısteri, prodıýserleri jáne tehnıkalyq qyzmetkerleri sııaqty ózimniń de ákimshilik demalysqa jiberilgenimdi bildim. «Amerıka daýysyna» shynaıy reformalar qajet, jáne bul baǵytta belgili bir jetistikterge qol jetkizilgen bolatyn. Alaıda búgingi sheshim radıostanııanyń mańyzdy mıssııasyn oryndaý múmkindiginen aıyrady. Bul mıssııa ásirese qazir óte mańyzdy, óıtkeni Iran, Qytaı jáne Reseı sııaqty Amerıkanyń qarsylastary mıllıardtaǵan dollar jumsap, AQSh-ty qaralaıtyn jalǵan aqparat taratýda», – dep jazdy Abramovı.
Onyń aıtýynsha, eger agenttik qandaı da bir formada saqtalyp qalsa da, AQSh prezıdenti ákimshiliginiń búgingi áreketteri onyń erkin jáne qaýipsiz álem qalyptastyrý qabiletine úlken zııan tıgizedi.
«80 jyldan astam ýaqyt boıy «Amerıka daýysy» AQSh-tyń baǵa jetpes baılyǵy bolyp, kommýnızmge, fashızmge jáne qysym kórsetýge qarsy kúreste mańyzdy ról atqardy. Sondaı-aq búkil álemde bostandyq pen demokratııany qorǵady. Búginde onyń aýdıtorııasy aptasyna 360 mıllıonnan asa adamdy quraıdy. 48 tilde habar taratylady. Dıktatýra jaǵdaıynda ómir súretin kóptegen adamdar úshin «Amerıka daýysy» jalǵyz senimdi aqparat kózi bolyp qala beredi», – dep atap ótti ol.
Buǵan deıin AQSh prezıdenti Donald Tramp bıýrokratııamen kúresý maqsatynda birneshe memlekettik mekeme qyzmetin barynsha qysqartý týraly jarlyqqa qol qoıǵan bolatyn. Onyń ishinde AQSh-tyń ǵalamdyq medıa agenttigi (USAGM) de bar. Ol «Azat Eýropa/Azattyq radıosy» men «Amerıka daýysyn» baqylaıdy. Senbi kúni Tramp ákimshiligi «Azattyq radıosynyń» búkil jelisin qarjylandyrýdy toqtatqanyn jarııalady.
