Abai oblysynda "QazAvtoJol" ūlttyq kompaniiasynyŋ mamandary tünı boiy qar qūrsauynda qalǧan jürgızuşılerdı qūtqaru jūmystaryn jürgızdı. 60-tan astam avtokölık qardan şyǧarylǧanymen, jolda qalǧandar älı de köp, dep habarlaidy "Adyrna" ūlttyq portaly.
Borannan jol jabyldy
12 nauryz künı saǧat 23:00-de "Almaty – Taldyqorǧan – Öskemen" tasjolynyŋ Taskesken auylyna būrylys pen Aiagöz qalasy aralyǧynda jük kölıkterı üşın jol jabylǧan. Keiınnen boran küşeiıp, jeŋıl kölıkterdıŋ qozǧalysyna da şekteu qoiyldy. Alaida, 100-den astam kölık jolǧa şyǧyp ülgerıp, qar qūrsauynda qaldy.
Qūtqaru jūmystary jürgızılude
"QazAvtoJol" kompaniiasynyŋ 20-ǧa juyq arnaiy tehnikasy qar tazalau jūmystaryn jalǧastyruda. Bıraq boran küşeiıp, joldy tazalauǧa kedergı keltırude. Jolda qalǧan 3 jolauşy avtobusy Aiagözge jetkızılıp, 77 adam (onyŋ ışınde 3 bala) jylytu punktıne ornalastyryldy.
Taskesken – Aiagöz baǧyty älı jabyq
Qazırgı uaqytta Taskesken jaǧynda – 90 jük kölıgı, 40 jeŋıl kölık jäne 4 avtobus joldyŋ aşyluyn kütıp tūr. Aiagöz jaǧynda – 120-dan astam kölık joldyŋ aşyluyn tosuda.
Mamandar eskertu jasaidy
Köktem bastalǧanymen, qys älı de öz mınezın körsetude. Osyǧan bailanysty mamandar jürgızuşılerge jolǧa şyqpas būryn 1403 bailanys ortalyǧyna habarlasyp, joldyŋ aşyqtyǧy turaly aqparat aluǧa keŋes beredı.
Ūqsas jaŋalyqtar
