Dýshanbeden kelgen alǵashqy reısti Bishkek qutty qadam tilep, sýdan shashý shashyp qarsy aldy, dep habarlaıdy “Adyrna” ulttyq portaly.
Keshe, 13 naýryzda Qyrǵyzstan prezıdenti Sadyr Japarov pen Tájikstan basshysy Emomalı Rahmon eki el arasyndaǵy memlekettik shekaranyń delımıtaııasy men demarkaııasy týraly kelisimge qol qoıǵan edi.
Al búgin Bishkekke Dýshanbeden alǵashqy ushaq ushyp keldi. Qyrǵyzstan oǵan qutty qadam tilep, sýdan shashý shashyp, qarsy aldy.
Resmı málimetke sáıkes, memleket basshylary shekara qyzmetiniń basshylaryna eki el arasyndaǵy shekara beketterin qaıta ashýǵa ruqsat berdi. Osylaısha, «Qaıragach» (Leılek aýdany) jáne «Qyzyl-Bel» (Batken aýdany) ótkizý beketteri qaıta jumys isteı bastaıdy. Atalǵan beketter tórt jylǵa jýyq ýaqyt jabyq bolǵan edi.
Buǵan deıin, 21 aqpanda Qyrǵyzstan men Tájikstan úkimettik delegaııalary shekara máselesine qatysty qorytyndy hattamaǵa qol qoıǵan bolatyn. Al 27 aqpanda Qyrǵyzstan parlamentiniń birneshe komıteti kelisimdi maquldady.
Aıta keteıik, Qyrǵyzstan men Tájikstan arasyndaǵy shekara uzyndyǵy 972 km. Alaıda, Batken oblysyndaǵy shekara syzyǵynyń belgisizdigi eki el arasynda qaıshylyqtar týǵyzǵan. Sońǵy iri qaqtyǵys 2022 jyldyń 14-17 qyrkúıegi aralyǵynda oryn alyp, eki taraptan júzden astam adam qaza tapqan edi.
