Rıdderde memlekettik mekemeler, kásiporyndar men áleýmettik qyzmetterdiń jumys kestesi ózgerdi. Bul týraly Rıdder ákiminiń orynbasary Bolat Aqýjanov aıtty, dep habarlaıdy “Adyrnp” ulttyq portaly.
Aqparatqa sáıkes, 14 naýryzdan bastap Shyǵys Qazaqstan oblysynyń Rıdder turǵyndarynyń jumys kúni bir saǵatqa erterek – tańǵy 08:00-de bastalyp, 17:30-ǵa deıin jalǵasady. Túski úzilis ýaqyty 12:00-den 13:30-ǵa deıin belgilendi.
Qalalyq ákimdik bul ózgeristiń basty maqsaty – eńbek proesin ońtaılandyryp, jumys tıimdiligin arttyrý ekenin atap ótti.
"Búginde Shyǵys Qazaqstan oblysynyń 11 aýdany jańa jumys kestesine kóshti, biz de bul bastamany qýana qoldadyq. Jumys ýaqytynyń ózgerýi – kún tártibin yńǵaıly ári ónimdi etýge jasalǵan qadam. Endi turǵyndardyń energııasy únemdelip, tańǵy ýaqyt tıimdi paıdalanylady. Sondaı-aq, kúndizgi jaryqta kóbirek is tyndyrýǵa múmkindik bar", – dedi Rıdder ákiminiń orynbasary Bolat Aqýjanov.
Onyń aıtýynsha, bul ózgerister jumys isteıtin azamattar men olardyń otbasylary úshin de paıdaly bolmaq.
Aıta keteıik, jańa jumys kestesi mektepterge, balabaqshalarǵa jáne medıınalyq mekemelerge áser etpeıdi, sebebi olar burynnan 08:00-den bastap jumys istep keledi.
Rıdder ákiminiń orynbasary Bolat Aqýjanovtyń sózinshe, jumys ýaqytyn ózgertý týraly sheshim qabyldamas buryn qala turǵyndarymen birneshe kezdesý ótkizilip, másele jan-jaqty talqylanǵan.
"Qala turǵyndary bul bastamany qoldady. Jańa jumys kestesi ýaqytty tıimdi paıdalanýǵa jáne jumys pen jeke ómir arasyndaǵy teńgerimdi saqtaýǵa kómektesedi dep esepteımin", – dep qorytyndylady ákim orynbasary.
Aıta keteıik, 29 aqpannan 1 naýryzǵa qaraǵan túni Qazaqstan biryńǵaı ýaqyt beldeýine ótti. Alaıda 7 maýsymda ýaqytty qaıta ózgertýge qatysty petıııa bastalyp, 50 myńnan astam qol jınalǵanymen, ol qabyldanbady.
2025 jyldyń qańtarynan bastap Shyǵys Qazaqstan oblysynyń birneshe aýdany jańa jumys ýaqytyna kóshti.
5 qańtardan bastap Katonqaraǵaı aýdanynyń 17 aýyly, 24 aqpanda – Marqakól men Úlken Naryn aýdandary, 5 naýryzda – Zaısan, Kúrshim, Tarbaǵataı jáne Samar aýdandary, 12 naýryzda – Altaı men Ulan aýdandary jańa kestemen jumys isteı bastady. Bul aýdandarda jumys kúni 08:00-de bastalyp, 17:30-da aıaqtalady. Túski úzilis – 12:00-13:30 aralyǵynda belgilengen.
