12 naýryzdaǵy málimetke sáıkes, Qazaqstanda salyq tóleýshiler bıýdjetke 17 mlrd teńge aýdarǵan. Bul somanyń ishinde BI Group jáne BAZIS kompanııalarynyń tólemderi bar, dep habarlaıdy "Adyrna" ulttyq portaly Qarjy mınıstrliginiń baspasóz qyzmetine siltep.
«Qazaqstan Respýblıkasy Qarjy mınıstrligi Memlekettik kirister komıteti (MKK) jalpyǵa birdeı belgilengen rejımde jumys isteıtin jáne salyqtyq mindettemelerin jeke kásipkerlermen ózara esep aıyrysý arqyly ońtaılandyratyn salyq tóleýshilerdi ákimshilendirýdi jalǵastyrýda. 12 naýryzdaǵy jaǵdaı boıynsha salyq tóleýshiler qosymsha esep berý nysandaryn tapsyryp, salyqtaryn tólep jatyr. Qazirdiń ózinde 17 mlrd teńge tólendi, onyń ishinde BI Group jáne BAZIS kompanııalary da bar. Derekterdi salystyrý jumystary jalǵasýda», – delingen habarlamada.
Kiristi tómendetý belgileri boıynsha 633 salyq tóleýshige habarlama jiberilgen. Olardyń 172-si qurylys salasynda jumys isteıdi, sonyń ishinde barlyq iri qurylys kompanııalary bar, al 102-si saýda salasynda qyzmet etedi.
Keıbir kompanııalar MKK-ge qurylys salasyndaǵy kóleńkeli shemalarmen kúresý jáne qarjy aınalymynyń ashyqtyǵyn arttyrý maqsatynda ıfrlyq sheshimderdi ázirleýdi qarjylandyrýdy usyndy.
MKK eger habarlamalar oryndalmasa, keshendi salyqtyq tekserýler bastalýy múmkin ekenin eskertti.
Eske sala keteıik, 28 aqpanda Qazaqstan premer-mınıstri Oljas Bektenov BI Group jáne BAZIS sııaqty iri bıznes ókilderine qatań eskertý jasap, salyqtaryn tóleýge eki apta ýaqyt bergen edi. Keıin BI Group salyq tólemderi boıynsha málimdeme jasady.
