Hromtaýdaǵy shahtada jaraqat alǵan shahter qaıtys boldy, dep habarlaıdy "Adyrna" ulttyq portaly «Dıapazon» basylymyna siltep.
«Kúıik shalǵan eki er adam Hromtaý aýrýhanasynyń travmatologııa bólimine jatqyzyldy, bireýi úıine jiberildi, taǵy bir adam reanımaııaǵa túsip, keıin sanıtarlyq avıaııa arqyly oblystyq kópsalaly aýrýhanaǵa jetkizildi», – delingen habarlamada.
Belgili bolǵandaı, er adam 28 aqpanda «Bolashaq» shahtasynda úsh áriptesimen birge jaraqat alǵan. Olar burǵylaý jumystary kezinde túrli dárejedegi kúıik alǵan. Shahtada qysqa merzimdi aýa qospasynyń tutanýy oryn alǵan. Jaraqat alǵan jumysshylar birden jer betine shyǵarylyp, shahtada bolǵan 228 adam qaýipsiz jerge evakýaııalandy. Qazirgi ýaqytta shahta jumysy ýaqytsha toqtatylǵan.
«Naýqasqa qarqyndy shokqa qarsy terapııa men kombýstıologııalyq kómek kórsetildi. Ol jasandy tynys alý apparatyna qosyldy. Alaıda 7 naýryzda qaıtys boldy», – dep habarlady densaýlyq saqtaý basqarmasy.
Hromtaý aýdandyq aýrýhanasy qalǵan eki zardap shekken adamnyń úıine shyǵarylǵanyn málimdedi.
Qazirgi tańda polıııa bul oqıǵaǵa qatysty «Taý-ken nemese qurylys jumystary kezinde qaýipsizdik erejelerin buzý» baby boıynsha sotqa deıingi tergeý júrgizip jatyr.
