Su resurstary jäne irrigasiia ministrı Nūrjan Nūrjıgıtov biyl elımız eŋ negızgı tört transşekaralyq özen arqyly körşı elderden qanşa su alatynyn aitty. Būl turaly ol vedomstvonyŋ alqa mäjılısınen keiın BAQ ökılderınıŋ sūraǧyna bergen jauabynda mälımdedı, dep habarlaidy “Adyrna” ūlttyq portaly.
“Syrdariia özenı boiynşa Duşanbe qalasynda (Täjıkstan) qaraşa aiynda bükıl tarap kezdestık. Būl özennıŋ suyn bölısu ekı kezeŋge bölınedı. Mysaly, byltyr vegetasiialyq kezeŋde josparlanǧan ülestı 100 paiyz aldyq. Ol 5 tekşe şaqyrymǧa juyq. Biyl Vegetasiia aralyq kezeŋde 10,9 tekşe şaqyrym (10,9 mlrd tekşe metr – red) su alamyz dep kelıskenbız. Al vegetasiia kezeŋınde qanşa alatynymyzdy säuır aiynda Taşkent qalasynda (Özbekstan) qaita kelısemız. Bızge qanşa tietını sol kezde belgılı bolady.
Jaiyq özenı boiynşa byltyr öte köp su kelgenın bılesızder, şamamen 17 tekşe şaqyrymnan astam su aldyq. Qalypty jyldary 8-9 tekşe şaqyrym su keletın. Biylǧa jasalǧan kelıssöz boiynşa 18 tekşe şaqyrym su bölu kerek. Sonda biyl da qalypty jyldarǧa qaraǧanda 2 eseden astam köp su bolady”, - dedı ministr.
Sondai-aq, ol bastauyn Qytaidan alyp jatqan Ertıs özenınıŋ 70 paiyz suy Qazaqstanda qalyptasatynyn eske saldy.
“Byltyr su mol bolǧandyqtan, Būqtyrma su qoimasyn şamamen 100 paiyz toltyryp aldyq. Al Qytaidan kıretın sudyŋ kölemı 15-16 tekşe şaqyrym bolu kerek. Özımızge tiesılı sudy 100 paiyz alyp otyrmyz deuge bolady.
Ile özenı boiynşa byltyr tek Balqaş kölıne ǧana 16 tekşe şaqyrymǧa juyq su aldyq. Jylda 11-12 tekşe şaqyrym alatynbyz. Biyl da 16 tekşe şaqyrym kölemınde bolady dep josparlap otyrmyz. Kelesı aptada orynbasarym Qytai Halyq Respublikasyna baryp, arnaiy memorandumǧa qol qoiady. Ol qūjat Ile mäselesın ǧana emes, ekı eldıŋ su qatynastary salasyndaǧy mäselelerdı qamtidy”, - dedı Nūrjan Nūrjıgıtov.
