Aqtóbede páter ıesin aıaýsyz óltirgen jalǵa alýshy 10 jylǵa bas bostandyǵynan aıyryldy, dep habarlaıdy "Adyrna" ulttyq portaly.
"Dıapazon" basylymynyń málimetinshe, 54 jastaǵy er adam tanysyna ýaqytsha turýǵa ruqsat bergen. Alaıda arada bir kún ótken soń, ekeýi birge ishimdik iship, bul basqosý qandy oqıǵaǵa ulasqan.
Tergeý málimetterine sáıkes, páter ıesi boqtap sóılegen. Al jalǵa alýshy ony qorlaý dep qabyldaǵan. Ashýǵa býlyqqan ol birneshe ret balǵamen basynan uryp, artynsha pyshaqpen keýdesine soqqy jasaǵan. Jábirlenýshi aýyr jaraqattan sol jerde kóz jumǵan.
Sotta aıyptalýshy tek bir ret qana balǵamen urǵanyn, keıingi oqıǵany esine túsire almaıtynyn aıtqan.
Sot úkimimen ol 10 jylǵa bas bostandyǵynan aıyryldy.
