Májilis depýtaty Dáýlet Muqaev mektep oqýshylaryna ChatGPT sekildi jasandy ıntellekti qoldanýǵa shekteý qoıýdy usyndy, dep habarlaıdy «Adyrna» tilshisi.
Ol búginde bilim alýshylardyń kópshiligi tapsyrmalardy oryndaýdyń ornynaony Chat GPT-ge salyp, daıyn jaýap alýdy ádetke aınaldyrǵanyn málimdedi.
«Árıne, tehnologııanyń damyǵany jaqsy. Biraq ýaqyt óte kele, bunyń barlyǵy mı jumysynyń shektelýine alyp keletin sııaqty. Qazirdiń ózinde mektep oqýshylary tapsyrmany jasandy ıntellekt – ChatGPT-ge sala salady da, ózdigimen eshteńe istemeı, otyra beredi. Menińshe, mektep oqýshylary úshin qandaı bir shekteýler qoıý kerek. Eger ol shekteýdi qoımasa, erteń sol oqýshylarymyz stýdent bolady, eńbek naryǵyna aralasady. Sonyń zardabyn 20 jyldan keıin kóremiz. Bul da bizdiń elimiz úshin úlken bir qaýiptiń biri»,- dedi Muqaev.
Aıta keteıik, búgin Májiliste «Jasandy ıntellekt týraly» zań jobasy tanystyrylǵan bolatyn. Zań jobalary jasandy ıntellekt tehnologııalaryn jáne júıelerin paıdalanýdyń biryńǵaı quqyqtyq bazasyn belgileýge baǵyttalǵan.
