Aýǵanstannyń nasıhat, izgilik jáne teris qylyqtyń aldyn alý mınıstrligi úsh aılyq úzilisten keıin “Arzý TV” telearnasyna qaıta habar taratýǵa ruqsat berdi, dep habarlaıdy “Adyrna” ulttyq portaly Ariana News-ke silteme jasap.
Kabýlda ornalasqan stýdııa 2024 jyldyń jeltoqsanynda jabylǵan. Mınıstrliktiń málimetinshe, telearna ıslam qundylyqtaryn nasıhattaý maqsatynda jáne buqaralyq aqparat quraldarynyń durys paıdalanylýyn qamtamasyz etý úshin ýaqytsha jabylǵan.
Telearnanyń jabylýy kezinde jeti qyzmetker qamaýǵa alynyp, óndiristik jabdyqtar tárkilengen. Keńse esigine “ádepsiz serıaldardy kórsetkeni úshin” telearna jabylǵany týraly habarlama ilingen.
Aýǵanstan jýrnalıstıka ortalyǵynyń (AFJC) dereginshe, telearna darı tiline aýdarylǵan túrik serıaldaryn kórsetken.
Mınıstrliktiń baspasóz hatshysy Saıf Ýl-Islam Haıberdiń aıtýynsha, “Islam ámirligi BAQ-ty qoldaýǵa jáne pikir bildirý bostandyǵyn ıslamdyq jáne ulttyq qundylyqtar negizinde qamtamasyz etýge peıildi”.
Aýǵanstannyń táýelsiz jýrnalıster qaýymdastyǵy telearnanyń jumysyn qaıta bastaý týraly sheshimdi qoldap, bılikke erkin aqparat quraldaryn qoldaǵany úshin alǵys bildirdi.
