Ukraina prezidentı Makron jäne NATO bas hatşysymen telefon arqyly söilestı

Ukraina prezidentı Vladimir Zelenskii AQŞ prezidentı Donald Tramppen ötken sätsız kelıssözderden keiın Fransiia prezidentı Emmanuel Makronmen jäne NATO-nyŋ bas hatşysy Mark Riuttemen telefon arqyly söilestı, dep habarlaidy "Adyrna" ūlttyq portaly. Būl turaly Financial Times basylymynyŋ jurnalisı Kristofer Miller derekközderge sılteme jasap habarlady. Alaida, taraptar arasynda naqty ne talqylanǧany belgısız. Degenmen Financial Times basylymynyŋ mälımetınşe, Makronmen söileskennen keiın Zelenskii NATO bas hatşysymen de bailanysqa şyqqan. Būǧan deiın Mark Riutte Soltüstık Atlantikalyq alianstyŋ Ukrainaǧa "milliardtaǧan euro" kölemındegı jaŋa kömek paketın äzırlep jatqanyn mälımdegen edı. Būl turaly ol Tramppen telefon arqyly söileskennen keiın habarlady. Onyŋ aituynşa, äŋgıme "öte jaqsy" ötken. 28 aqpanda Vaşingtondaǧy Aq üide AQŞ pen Ukraina prezidentterı kezdestı. Kezdesu barysynda ekı el arasynda paidaly qazbalar jönındegı kelısım jasaluy tiıs bolatyn. Alaida, kelıssözder qyzu pıkırtalasqa ūlasyp, Zelenskii men Tramp arasynda kelıspeuşılık tuyndady. Ukraina prezidentı Tramp pen AQŞ vise-prezidentı Djei Di Venspen söz talastyryp, kezdesudı merzımınen būryn aiaqtady. Nätijesınde kelısımge qol qoiylmady. Kezdesu barysynda Tramp Zelenskiidı bırneşe ret "alǧys bıldırmeude" aiyptady. "Sız üşınşı düniejüzılık soǧysty tudyruyŋyz mümkın. Sızdıŋ jasap otyrǧan äreketıŋız sızdı qoldaǧan elge qūrmetsızdık körsetumen teŋ", – dep mälımdedı Tramp. Sondai-aq, ol eger Ukraina kelısımge qol qoimasa, AQŞ būl prosesten şyǧyp ketuı mümkın ekenın eskerttı. Kezdesuden keiın Zelenskii AQŞ-qa qoldau körsetkenı üşın alǧys bıldırıp, "Ukrainaǧa ädıl ärı berık beibıtşılık qajet, bız däl osy maqsatta jūmys ıstep jatyrmyz", – dep mälımdedı. Tramppen kelıspeuşılıkten keiın Zelenskiige köptegen europalyq saiasatkerler, onyŋ ışınde Fransiia prezidentı Emmanuel Makron qoldau bıldırdı. "Agressor – Resei. Al agressiia qūrbany – Ukraina. Bız kömekteskenderdı baǧalauymyz kerek, bıraq eŋ aldymen basynan bastap küreskenderdı qūrmetteuımız qajet", – dedı Makron.