Ýkraına prezıdenti Vladımır Zelenskıı AQSh prezıdenti Donald Tramppen ótken sátsiz kelissózderden keıin Franııa prezıdenti Emmanýel Makronmen jáne NATO-nyń bas hatshysy Mark Rıýttemen telefon arqyly sóılesti, dep habarlaıdy "Adyrna" ulttyq portaly.
Bul týraly Financial Times basylymynyń jýrnalısi Krıstofer Mıller derekkózderge silteme jasap habarlady.
Alaıda, taraptar arasynda naqty ne talqylanǵany belgisiz. Degenmen Financial Times basylymynyń málimetinshe, Makronmen sóıleskennen keıin Zelenskıı NATO bas hatshysymen de baılanysqa shyqqan.
Buǵan deıin Mark Rıýtte Soltústik Atlantıkalyq alıanstyń Ýkraınaǵa "mıllıardtaǵan eýro" kólemindegi jańa kómek paketin ázirlep jatqanyn málimdegen edi. Bul týraly ol Tramppen telefon arqyly sóıleskennen keıin habarlady. Onyń aıtýynsha, áńgime "óte jaqsy" ótken.
28 aqpanda Vashıngtondaǵy Aq úıde AQSh pen Ýkraına prezıdentteri kezdesti. Kezdesý barysynda eki el arasynda paıdaly qazbalar jónindegi kelisim jasalýy tıis bolatyn. Alaıda, kelissózder qyzý pikirtalasqa ulasyp, Zelenskıı men Tramp arasynda kelispeýshilik týyndady. Ýkraına prezıdenti Tramp pen AQSh vıe-prezıdenti Djeı Dı Venspen sóz talastyryp, kezdesýdi merziminen buryn aıaqtady. Nátıjesinde kelisimge qol qoıylmady.
Kezdesý barysynda Tramp Zelenskııdi birneshe ret "alǵys bildirmeýde" aıyptady.
"Siz úshinshi dúnıejúzilik soǵysty týdyrýyńyz múmkin. Sizdiń jasap otyrǵan áreketińiz sizdi qoldaǵan elge qurmetsizdik kórsetýmen teń", – dep málimdedi Tramp. Sondaı-aq, ol eger Ýkraına kelisimge qol qoımasa, AQSh bul proesten shyǵyp ketýi múmkin ekenin eskertti.
Kezdesýden keıin Zelenskıı AQSh-qa qoldaý kórsetkeni úshin alǵys bildirip,
"Ýkraınaǵa ádil ári berik beıbitshilik qajet, biz dál osy maqsatta jumys istep jatyrmyz", – dep málimdedi.
Tramppen kelispeýshilikten keıin Zelenskııge kóptegen eýropalyq saıasatkerler, onyń ishinde Franııa prezıdenti Emmanýel Makron qoldaý bildirdi.
"Agressor – Reseı. Al agressııa qurbany – Ýkraına. Biz kómekteskenderdi baǵalaýymyz kerek, biraq eń aldymen basynan bastap kúreskenderdi qurmetteýimiz qajet", – dedi Makron.
