AQSh prezıdenti Donald Tramp el tarıhynda alǵash ret aǵylshyn tilin resmı memlekettik til retinde bekitetin jarlyqqa qol qoıatynyn málimdedi, dep habarlaıdy “Adyrna” ulttyq portaly The Wall Street Journal gazetine siltep.
Qazirgi ýaqytta AQSh-ta memlekettik til federaldyq deńgeıde zań júzinde bekitilmegen. Tek keıbir shtattarda ǵana aǵylshyn tili resmı til bolyp sanalady. ProEnglish uıymynyń málimetinshe, búginde 32 shtat aǵylshyn tilin resmı dep moıyndaǵan.
Jańa jarlyq burynǵy prezıdent Bıll Klınton engizgen federaldyq talapty joıady. Ol talapqa sáıkes, federaldyq qarjy alatyn agenttikter men uıymdar aǵylshyn tilin bilmeıtin azamattarǵa tildik kómek kórsetýi tıis bolǵan.
AQSh-ta aǵylshyn tiliniń mártebesi, ásirese, Tehas shtatynda jıi talqylanyp keledi. Onda ıspan tiliniń keńinen qoldanylýy uzaq jyldar boıy pikirtalas týdyrǵan. 2011 jyly Tehas senatory ımmıgranttar quqyǵyn qorǵaýshy belsendiniń zań shyǵarýshy organdaǵy tyńdaýda aǵylshyn tilinde sóıleýin talap etken.
Donald Tramptyń saıası naýqandary kezinde zańsyz ımmıgraııaǵa qarsy turý jáne aǵylshyn tiliniń mańyzdylyǵyn arttyrý negizgi baǵyttardyń biri bolǵan. Ol 2016 jylǵy saılaýaldy úgit-nasıhatynda qarsylasy Djeb Býshtyń ıspan tilin qoldanǵanyn synǵa alyp, «biz – aǵylshynsha sóıleıtin ultpyz» dep málimdegen edi.
