Respublica partııasy mandatyn tapsyrǵan Rýslan Berdenovtyń ornyna Ekaterına Smolıakovany Májilis depýtaty etti, dep habarlaıdy "Adyrna" ulttyq portaly.
Májilis otyrsynan keıin jýrnalıster sý jańa depýtat Ekaterına Smolıakovaǵa birneshe suraq qoıdy. Áriptesterdiń biri «Sizdiń memlekettik tildi biletinińiz óte mańyzdy. Biraq elimizdegi qazaq tilin bilmeıtin azamattarǵa kózqarasyńyz qalaı? Óz elinde turyp óziniń tilin bilmegen, aıyp, uıat emes pe?» dedi depýtatqa.
Ekaterına Sergeıqyzynyń aıtýynsha, memlekettik tildi bilý ár Qazaqstan azamatynyń paryzy, mindeti. Áıtse de ol eshkimge aıyp taǵyp, kinálamaı almaıtynyn eskertti.
«Jalpy ózim Reseıde týyp, óskenmin. Otbasylyq jaǵdaıǵa baılanysty 2000 jyldary Qazaqstanǵa kóship, kelip, osynda orys tilinde bilim aldym. Odan keıin belgili bir jaǵdaılarǵa oraı qazaq tili men ádebıeti mamandyǵyna oqýǵa tústim. Kásibı qyzmetim qazaq tili men ádebıeti pániniń muǵalimdigi qyzmetinen bastaldy», – dedi ol.
– Bizde memlekettik tildi meńgergen azamattar depýtat bolyp saılanady. Olardyń ishinde keremet maman dep aıtýǵa bolmaıtyn adamdar kezdesip qalady. Sizde solaı kezdeısoq depýtat bolǵan joqsyz ba?
– Endi men bireýdi «Kezdeseısoq jaǵdaıda laýazymǵa jetti» dep aıta almaımyn. Meniń bul jerge kelýimdi partııamyzdyń Ortalyq keńesi sheshti. Men partııanyń quramynda birinshi kúnnen bastap barmyn jáne partııalyq tizimde de barmyn. Ortalyq keńestiń sheshimimen rotaııa boıynsha osynda kelip otyrmyn. Al qandaı jumys nátıjesin kórsetemin, ony aldaǵy ýaqytta elektorat, saılaýshylar ózderi baǵalap, ózderi aıtady dep sanaımyn.
– Ózińiz qazaq tili men ádebıetiniń mamany ekendigińizdi aıttyńyz. Májiliste zań salasynyń mamandary otyrý kerek. Siz zań jobasyn oqyp, ony túsine alasyz ba?
– Árıne, túsinemiz. Muǵalimdikten bólek, meniń ýnıversıtettiń ákimshiliginde istegen 10 jyldyq tájirıbem bar. Sondyqtan men pedagogtyq jáne ýnıversıtet qabyrǵasyndaǵy basshylyq tájirıbemdi ekspert retinde osynda jumsaıtyn bolamyn.
