Qazaqstan Parlamenti Májilisiniń depýtaty Magerram Magerramov palatanyń otyrysynda jynys aýystyrýǵa tyıym salý kerek ekenin aıtty, dep habarlaıdy "Adyrna" ulttyq portaly.
Depýtattyń aıtýynsha, qazirgi zańnama jynystyq sáıkestik buzylysy bar, 21 jasqa tolǵan jáne aqyl-esi durys azamattarǵa jynysyn aýystyrýǵa ruqsat beredi. Alaıda ol bul jaǵdaıdy qaıta qaraý qajettigin atap ótti.
Magerramovtyń pikirinshe, jynystyq sáıkestik buzylysy – bul belgili bir psıhıkalyq nemese minez-qulyqtyq aýytqý, sondyqtan ony hırýrgııalyq nemese gormonaldy jolmen túzetý durys emes.
"Eger adamnyń fızıkalyq anomalııasy bolmasa, biraq ózin basqa jynysta sezinse, bul másele psıhıkalyq nemese minez-qulyqtyq aýytqýmen baılanysty bolýy múmkin. Sondyqtan deni saý adamǵa operaııa jasaý orynsyz", – dedi depýtat.
Sonymen qatar, ol minez-qulyqtyq nemese psıhıkalyq aýytqýlardy hırýrgııalyq ádispen "emdeýdiń" qısynsyzdyǵyn atap ótti.
"NPK frakııasy zańǵa ózgerister engizilgenge deıin jynys aýystyrý operaııasyna tyıym salýdy talap etedi", – dep málimdedi Magerram Magerramov.
