AQSh baı sheteldikterge elde turýǵa, jumys isteýge múmkindik beretin jáne azamattyq alýǵa jol ashatyn "altyn kartalardy" satýdy josparlap otyr. Bul týraly el prezıdenti Donald Tramp Aq úıde ótken baspasóz máslıhatynda málimdedi, dep habarlaıdy "Adyrna" ulttyq portaly DW-ge silteme jasap.
Tramptyń aıtýynsha, "altyn kartanyń" quny shamamen 5 mıllıon AQSh dollaryn (shamamen 2,5 mıllıon teńgeni) quraıdy.
"Biz altyn kartany satqaly otyrmyz. Grın-karta bar, al bul – altyn karta. Biz bul kartanyń baǵasyn shamamen 5 mıllıon dollar dep belgileımiz. Bul sizge grın-karta sııaqty artyqshylyqtar beredi jáne azamattyq alýǵa jol ashady. Baı adamdar bizdiń elge osy kartany satyp alý arqyly keletin bolady", – dedi Tramp.
AQSh-tyń saýda mınıstri Govard Lıýtnıktiń aıtýynsha, "altyn karta" qazirgi EB-5 ınvestıııalyq vıza baǵdarlamasynyń ornyn basady.
Tramptyń sózinshe, bul kartalardy satý eki apta ishinde bastalýy múmkin. Ol mıllıondaǵan karta satylatynyna senimdi.
Reseılik olıgarhtarǵa "altyn karta" satyla ma degen suraqqa Tramp:
"Iá, múmkin. Men birneshe reseılik olıgarhtardy bilemin, olar óte jaqsy adamdar", – dep jaýap berdi.
