Lisenziiasyz mektep. Ata-analar aqşasyn qaitara almai jür

Atyrauda ata-analar jekemenşık mekteptıŋ jabyluyna bailanysty şu şyǧardy, dep habarlaidy "Adyrna" ūlttyq portaly 31-arnaǧa sıltep. Jarnamasy jer jarǧan liseidıŋ lisenziiasyz jūmys ıstegenı anyqtalyp, oqu ornyny jūmysyn toqtatqan. Bır jyldyq oqu aqysyn aldyn ala tölep qoiǧan ata-analar qarajattaryn qaitara almai jür. Äleumettık jelılerde mekteptıŋ jarnamasy keŋınen taraǧan. Jarnamaǧa säikes, taŋerteŋ bılım ordasyna kırgen oquşylar keşkı altyǧa deiın türlı üiırmelerge qatysyp, şet tılın üirenıp, tamaq ışıp, üi tapsyrmasyn oryndap, jan-jaqty bılım aluy tiıs bolǧan. Osy uädelerge sengen ata-analar balalaryn mektepke berıp, oqu aqysyn tolyq tölep qoiǧan. Alaida, oqu orny ekı ai būryn jūmysyn toqtatqan.  Ata-analardyŋ aituynşa, oqu aqysy är balaǧa 700 myŋnan 1 million teŋgege deiın tölengen. Jauapty departament ökılderınıŋ aituynşa, mektep 2024 jyldyŋ qyrküiegınde aşylyp, 200-den astam balany qabyldaǧan. Bıraq, lisenziiasyz jūmys ıstegendıkten, onyŋ qyzmetı toqtatylǧan. "Memlekettık lisenziiasyz bılım beru qyzmetımen ainalysuǧa bolmaidy. Būl mektep lisenziia alu üşın bırde-bır ret ötınış tüsırmegen. Bız lisenziiasyz jūmys ıstep jatqandaryn anyqtap, ıs materialdaryn jinaqtap, mamandandyrylǧan äkımşılık sotqa joldadyq. Ata-analar mekteppen jasalǧan şartqa säikes, Azamattyq kodeks boiynşa sotqa jügıne alady", – dedı Atyrau oblysy bılım salasyndaǧy sapany qamtamasyz etu departamentınıŋ basşysy Berdıkbek Taişev. Mektep basşylyǧy ata-analardyŋ aqşasyn tolyq qaitaratynyn jazbaşa türde habarlaǧan. Al polisiia "Alaiaqtyq" baby boiynşa tergeudı bastady.