Sh.Aımanov atyndaǵy «Qazaqfılm» kınostýdııasynyń basshylyǵy Franııada ótken 31-Vesoul halyqaralyq Azııa kınofestıvalinen úsh birdeı júlde alǵan «Ábil» fılminiń rejısseri Elzat Eskendir men týyndyda basty róldi somdaǵan akter Erlan Tóleýtaıdy ǵımarattyń ishine kirgizbegen, dep habarlaıdy «Adyrna» tilshisi.
«Búgin, biz, ıaǵnı rejısser Elzat Eskendir ekeýmiz "Ábildiń" Eýropa tórinde sátti hám tabysty ótken trıýmfýaldy premerasynan keıingi jeńisin "Qazaqfılm" ujymymen jáne onyń ýaqytsha basshylarymen bólispekke kınostýdııaǵa bardyq. Alaıda bizdi "Qazaqfılmge" kirgizbedi. Esik kózindegi qaraýyl bógegen soń biz ýaqytsha prezıdent Aıdar Omarovtyń jeke kúzet bastyǵyna telefon shalyp sóılestik. Ol bolsa meni ishke kirgize almaıtynyn, óıtkeni Omarovtan meni kirgizbeý jóninde buıryq túskenin jetkizdi. Shyntýaıtynda biz "Qazaqfılmge" erigip barmaǵan edik. Eýropadan soń "Qazaqfılm" basshylyǵynan habar kútkeli aptanyń júzi bolǵan-dy. Alaıda Aıdar Omarov bizdeı halyqaralyq kınofestıval jeńimpazdaryn quttyqtamaq túgili habarlasýdy boıyna ar sanady bilemin, habarlaspady. Bolmaǵan soń ózimiz bardyq. Sebebi "Ábil" memlekettik tapsyryspen túsirilgen "Qazaqfılmniń" tól týyndysy bolǵandyqtan, osy fılmniń keı máselesin basshylyqpen aqyldasqymyz kelgen edi. Sondaı-aq bir aıǵa sozylatyn Eýropa saparyna qarjylaı qoldaý kórsetý jóninde kómek suraǵan rejısser Elzat Eskendirdiń qańtar aıynyń 14-i kúnderi A.Omarovqa jazǵan hatynyń taǵdyryn da bilgimiz kelgen. Óıtkeni arada 1 aı, 10 kún ótse de ýaqytsha dırektordan esh jaýap bolmaǵan edi. Ekeýmiz osynyń da jaıyn bilmek boldyq»,—dep jazdy áleýmettik jelide Erlan Tóleýtaı.
Ol sondaı-aq «Qazaqanımaııa» ShB jaıyn da óz kózimen kórmekshi bolǵanyn jetkizdi.
«Qazaqanımaııa» jóninde nebir sýyq habarlar jeldeı esip, tarap jatqan edi. Myna vıdeoda aıtylǵandaı búgin sonyń anyǵyn bildim. Men Eýropa memleketterinde óner shashyp, mádenı maıdan keship júrgenimde ıaǵnı meniń kınostýdııada joq kezimdi ózderiniń pasyq áreketterin júzege asyrýǵa jymysqylyqpen paıdalanǵan Aıdar Omarov bastaǵan "Qazaqfılmniń" ýaqytsha bastyqtary men ondaǵan jyldan beri jetekshi redaktor bolyp tabylatyn "Qazaqanımaııa" ShB Astanaǵa kóshirip jiberýge astyrtyn sheshim qabyldaǵan. Astyrtyn sheshim qabyldaǵany sol emes pe, "Qazaqanımaııa" basshylyǵymen jáne ujymyna aıtpaǵan. Aıtpaq túgili, sezdirmegen. Árıne, munyń artynda Mádenıet jáne aqparat mınıstrliginiń, sondaǵy "qoı terisin jamylyp", "qupııa" keńesshi bop otyrǵan lobbı toptardyń belsendi ókilderiniń turǵandyǵy belgili. Maqsat aıqyn. Olar Sháken Aımanov atyndaǵy "Qazaqfılmdi" osylaı aıaýsyz ári alaıaqtyqpen bólshekteý arqyly kınostýdııanyń túbine jetip tynbaq. Óıtkeni "Qazaqfılmniń" jerin satpaqshy bolyp júrgen qylmystyq topqa osy "Qazaqanımaııa" ujymy birneshe jyldan beri qatty qarsylyq kórsetýmen keledi. Endi on oılanyp, myń tolǵanǵan bul lobbı toptar alynbas qamalǵa aınalǵan anımaııa bekinisin alýdyń amalyn tapqandaı. Ata jaýlary "Qazaqanımaııa" shyǵarmashylyq birlestigin Almatydan jer aýdarý arqyly joıyp jibermek»,—dep tolyqtyrdy óner ıesi.
Akter kópshilikti anımaııalyq kıno óneriniń qara shańyraǵyn qulatpaýǵa shaqyrdy.
«Men bul afıorany HHI ǵasyrdaǵy qazaq kıno ónerine jasalǵan eń aýyr qastandyq hám eń el mádenıetindegi adam aıtqysyz sıpatqa ıe alaıaqtyq dep baǵalaımyn. Munyń artynda qazaq sábılerin rýhanı asharshylyqqa ushyratý saıasaty jatyr. Bular aqparat quraldary arqyly qazaqty qaıta orystandyrýǵa Kremlden tapsyrma aldy jáne sony júzege asyrýǵa belsene ári astyrtyn kiristi dep edi, ras bolǵany ma, aǵaıyn?
Biz kınogerler, bul sumdyqqa kónbeımiz ári aıyptaımyz jáne jan aıamaı kúresemiz! Qazaqtyń tuńǵysh mýltıplıkaııa rejısseri, uly anımator Ámen Qaıdarov osydan 57 jyl buryn qurǵan anımaııalyq kıno óneriniń qara shańyraǵyn qulatpaımyz! Sol úshin de "Qazaqanımaııa" shyǵarmashylyq birlestigin jer aýdartpaımyz, ólispeı berispeımiz! Bizdi osynaý mádenı maıdanda qoldańyzdar! Eger qazaq rýhy mádenı maıdanda jeńilis tapsa, saıası-ekonomıkalyq, áleýmettik, eń bastysy, memleketti saqtaý muraty jolyndaǵy maıdandardyń barlyǵynda jeńilmek jáne bul Táýelsizdiktiń aqyry bolmaq. Beti aýlaq, árıne!»—dep túıindedi ol.
