Byltyr «Arys-Túlkibas» keshendi qısyq ýchaskesiniń Túlkibas-Arys temir jol ýchaskesinde júk poıyzynyń 8 vagony relsten shyǵyp ketken bolatyn. Túrkistan oblysy boıynsha kóliktik baqylaý ınspektory bul oqıǵaǵa «Oral vagon jóndeý kásipornyn» kináli dep tanydy, dep habarlaıdy «Adyrna» tilshisi.
«Túrkistan oblysy Túlkibas aýdandyq soty sheteldik kompanııaǵa qatysty úsh ákimshilik quqyq buzýshylyq týraly is materıaldaryn zerdeleı kele, tergeý barysynda 8 júk vagonynyń relsten shyǵyp ketýine tehnıkalyq sebep Oral vagon jóndeý kásiporny platformasyn sapasyz depo jóndeýden ótkizgeni anyqtalǵanyn kórsetti. OVJK-nyń jyljymaly quramdy, sondaı-aq temir jol kóliginde qozǵalys qaýipsizdigin qamtamasyz etetin tehnıkalyq quraldardy kútip ustaý, paıdalaný jáne jóndeý boıynsha tıisti sharalardy qabyldamaǵany úshin kinási tıisti qujattarmen rastaldy»,—delingen habarlamada.
Osylaısha sot poıyz relsten shyǵyp ketkeni úshin kompanııaǵa 1,4 mln teńge aıyppul salyndy. Sot sheshimderi zańdy kúshine endi.
Eske salaıyq, ótken jyldyń 25 maýsymynda Túlkibas aýdanynda júk poıyzy relsten shyǵyp ketken edi. Oqıǵadan eshkim zardap shekken joq.
