AQSh prezıdenti Donald Tramp Ýkraınadan áskerı kómek retinde jumsalǵan qarajattyń ótemin qaıtarýdy talap etti, dep habarlaıdy "Adyrna" ulttyq portaly DW-ge silteme jasap.
"Men Ýkraına biz salǵan mıllıardtaǵan dollar úshin bizge birdeńe berýi kerek dep sanaımyn. Sondyqtan biz sırek jer metaldaryn, munaıdy jáne múmkin bolatyn barlyq resýrstardy suraımyz", – dedi Tramp.
Merılendte ótken Konservatıvti saıası is-qımyldar konferenııasynda (CPAC) sóılegen sózinde ol Eýropa elderi Ýkraınaǵa kómek retinde nesıe bergenin, al AQSh ondaı jasamaǵanyn atap ótti. Sol sebepti Amerıkaǵa belgili bir ótemaqy tólenýi kerek dep esepteıdi.
"Biz qarajatymyzdy qaıtarǵymyz keledi, óıtkeni bul ádiletsizdik", – dedi Tramp.
Sonymen qatar, ol Vashıngton men Kıev paıdaly qazbalarǵa qatysty kelisim jasaýǵa óte jaqyn ekenin aıtty.
Al ýkraınalyq derekkózderdiń aıtýynsha Vladımır Zelenskıı AQSh pen Ýkraına arasyndaǵy sırek jer metaldaryn óndirýge qatysty kelisimniń qazirgi nusqasyna qol qoıýǵa daıyn emes.
"Birneshe daýly máseleler bar, sondyqtan prezıdent ony qazirgi kúıinde qabyldaýǵa daıyn emes", – dedi derekkóz.
The New York Times basylymynyń málimetinshe, AQSh Ýkraınaǵa kelisimniń jańa nusqasyn usynǵan. Biraq onyń keıbir sharttary 14 aqpanda Kıevke qarjy mınıstri Skott Bessent alyp kelgen aldyńǵy nusqadan da qatań.
Ýkraına tarapy bul sharttarǵa kelisetin-kelispeıtinin áli naqtylaǵan joq. Joǵarǵy Radanyń spıkeri Rýslan Stefanchýktyń aıtýynsha, 24 aqpanda úkimet deńgeıindegi arnaıy top kelisim boıynsha jumysty bastaıdy. Ýkraına Vashıngtonnyń óz resýrstaryna qol jetkizýine jaýap retinde naqty qaýipsizdik kepildikterin alǵysy keledi.
Eske sala keteıik, buǵan deıin Ýkraına prezıdenti Vladımır Zelenskıı AQSh usynǵan Ýkraınanyń paıdaly qazbalarynyń 50%-yna quqyq beretin kelisimge qol qoıýdan bas tartqan bolatyn.
