Jetısu oblysynyŋ Kerbūlaq audanynda Rudnichnyi GES-1 jäne GES-2 qūrylysyn bastau josparlanyp otyr, dep habarlaidy “Adyrna” ūlttyq portaly.
Alaida būl joba qoǧamda ülken pıkırtalas tuǧyzdy. Ǧalymdar, ekologtar jäne qoǧamdyq ūiym ökılderı qūrylys aimaqtyŋ ekologiiasyna ziian tigızuı mümkın ekenın aityp, alaŋdauşylyq bıldırude.
Qūrylysqa qarsy şyqqan “Petroglifterdı qorǧauşylar” qoǧamdyq qorynyŋ atqaruşy direktory Olga Gumirova GES salu kezınde özen arnasy özgerıp, ejelgı qonystar, qorymdar men qola däuırınıŋ jartastaǧy suretterı joiylyp ketuı mümkın ekenın mälımdedı.
Ekolog Sergei Kuratov būl aumaqtyŋ sel jäne seismikalyq qauıpı joǧary ekenın atap öttı. Onyŋ aituynşa, joba boiynşa ūsynylǧan qūjattarda sanitarlyq-qorǧau aimaǧynyŋ ölşemderı, qorşaǧan ortaǧa äser etu deŋgeiı jäne elektr energiiasyn tasymaldau joldary turaly naqty aqparat joq.
Al oblys äkımdıgı būl alaŋdauşylyqpen kelıspeidı. Olardyŋ mälımetınşe, joba barlyq ekologiialyq talaptarǧa sai äzırlenıp, 2020-2030 jyldarǧa arnalǧan Qazaqstan Respublikasynyŋ gidroenergetika salasyn damytu josparyna engızılgen.
Jetısu oblysynyŋ tabiǧi resurstar jäne tabiǧatty paidalanu basqarmasy 2024 jylǧy 2 säuırde jobanyŋ memlekettık ekologiialyq saraptamasyn maqūldaǧan. Äkımdıktıŋ mälımetınşe, qoǧamdyq tyŋdaular ūiymdastyrylyp, qūrylys ornynyŋ arheologiialyq zertteuı üşın arnaiy baiqau jariialanǧan.
Sondai-aq, jobaǧa 45 mlrd teŋge investisiia tartylyp, 600-den astam jaŋa jūmys orny aşylatyny habarlandy.
Qazırgı uaqytta qūrylys älı bastalǧan joq. Äkımdık ökılderınıŋ aituynşa, Rudnichnyi jäne Köksu auyldarynyŋ tūrǧyndary jobany qoldaidy, al qūrylys aiaqtalǧan soŋ jerdı rekultivasiialau jäne kögaldandyru jūmystary jürgızıledı.
Ūqsas jaŋalyqtar
