Eńbek qaýipsizdigin saqtaý – qyzmetkerlerdiń densaýlyǵy men ómirin qorǵaýǵa baǵyttalǵan mańyzdy sharalar. Eldegi barlyq kásiporyndar eńbek jaǵdaılaryn jaqsartý úshin jumys isteýi qajet. Ókinishke qaraı, elimizde óndiristik jaraqattar, adam ólimine ákep soqtyratyn jazataıym oqıǵalar tyıylmaı tur. Kúni keshe Ulytaý oblysyndaǵy kenishte bolǵan apat osyǵan naqty dálel. Memleket basshysy «Qazaqmys» korporaııasyna qarasty kenishte oryn alǵan qaıǵyly oqıǵaǵa baılanysty eńbek qaýipsizdigi salasynda qatań saqtalýǵa tıis jaǵdaılarǵa nazar aýdardy. Prezıdent Qasym-Jomart Toqaev nysandardyń qaýipsizdik júıesimen jabdyqtalý deńgeıi óte tómen ekendigin aıtty.
«SENIM» Densaýlyq saqtaý júıesi jumyskerleriniń salalyq kásiptik odaǵy Almaty fılıalynyń tóraǵasy Almas Nesipqalıev eńbek qaýipsizdigine qatysty óz pikirlerimen bólisti.
«Qazaqmys» kompanııasyndaǵy qaıǵyly jaǵdaı el ónerkásibindegi qaýipsizdik júıesiniń álsiz ekendigin kórsetti. Bul týraly mamandar únemi aıtyp ta jazyp ta júr. Jalpy tek óndiris salasy ǵana emes, kez kelgen mekemede eńbek qaýipsizdigine qatysty túrli máselelerdiń týyndaıtyny ras. Osy oraıda kásipodaq uıymynyń negizgi atqaratyn qyzmeti - jumyskerlerdiń eńbek jáne áleýmettik quqyǵyn qorǵaý, eńbek qaýipsizdiginiń saqtalýyn qadaǵalaý. Sondyqtan da eńbek zańdylyǵy, qaýipsizdik talaptary buzylyp jatsa, jumyskerlerge qol ushyn beretin de osy kásipodaq uıymdary. Laıyqty eńbekaqy, qaýipsiz jumys ornymen qamtý máselesin ýshyqtyrmaı ýaqytynda sheshý de ońaı sharýa emes. Bul rette biz jańa sheshimder qabyldap jatyrmyz. Sonyń eń bastysy - eńbekkerlerdiń bilimin arttyrý. «Senim» salalyq kásiptik odaǵy eńbek qaýipsizdigin saqtaý, kásipodaq músheleriniń quqyǵyn qorǵaý maqsatyna turaqty túrde túrli is-sharalar ótkizedi. Máselen, 2024 jyly 1050 den astam kásipodaq músheleri «Kelisim komıssııasy», «Eńbek kodeksi boıynsha ózgeris» taqyryptary boıynsha arnaıy kýrs oqydy. Eńbekti qorǵaý jáne qaýipsizdik tehnıkasy jónindegi tehnıkalyq ınspektorlardy oqytý turaqty júrgiziledi», - dedi ol.
Almas Nesipqalıevtyń aıtýynsha, óndiristik jaraqat alýdan qorǵaý maqsatynda barlyq mekemelerde óndiristik Keńester belsendi jumys isteýi tıis, sonymen qatar tehnıkalyq ınspektorlardyń jumysyn kúsheıtý qajet.
«2024 jyly bizdiń kásipodaqqa qatysty uıymdarda óndiristik jaraqattanýdyń 12 jaǵdaıy tirkeldi, jaraqattanýdyń negizgi úlesi Jedel medıınalyq járdem qyzmetine tıesili: jol kóligi oqıǵalary, qulaý, paıentterdiń medıınalyq qyzmetkerlerge ózderiniń fýnkıonaldyq mindetterin oryndaý kezinde shabýyl jasaýy. Kásipodaq óz tarapynan jaraqat alǵan kásipodaq múshelerin qorǵaý maqsatynda, Eńbek ınspekııasymen birlese otyryp sheshýge at salysty. Kásipodaq músheleriniń jumys berýshileri óz qyzmetkerleriniń ómirlerine qaýip tónbeıtindeı jaǵdaı jasaýǵa mindettelgen. Memorandým sheńberinde kásipodaq múshelerine zań kómegi kórsetildi, máselelerdi sotqa deıingi retteýde kelisimge qol jetkizildi, sondaı-aq sotta múddeler bildirý, ar-namys pen qadir-qasıetti qorǵaý máseleleri boıynsha advokat usynyldy. Osynyń nátejesinde zańsyz jumystan shaǵarylǵan 10 kásipodaqtyń múshesi jumysqa qaıta qabyldandy. Memleket basshysy atap kórsetkendeı, Eńbek qaýipsizdigin nyǵaıtý úshin bar kúsh-jigerimizdi salýymyz qajet. Otanymyzdyń ıgiligi úshin eńbek etip júrgen jumyskerlerdiń quqyǵyn qorǵaýda bizge dármensizdik tanytýǵa bolmaıdy», - dedi ol.
Almas Nesipqalıev eńbek qaýipsizdiginiń negizgi qaǵıdalaryna qatysty birneshe usynys aıtty.
«Birinshiden, bizge qaýipsizdiktiń zamanaýı júıelerine kóshý qajet. Buǵan árıne ıfrlandyrý qyzmetteri kiredi. Jahandyq ıfrlandyrý zamanynda bizge jańashyldyq qajet. Árbir mekeme, zaýyt, fabrıka, meıli emhana bolsyn, eńbek jaǵdaılaryn jaqsartýǵa baǵyttalǵan qaýipsizdik erejelerin saqtaýy tıis. Ekinshiden, jumysshylardyń bilimi men biliktiligin úzdiksiz arttyrý ózekti. Qaýipsizdik boıynsha turaqty oqytý men trenıngter ótkizý - jumyskerlerdiń jaraqat alý qaýpin azaıtady. Onyń ishine qorǵanys quraldaryn qoldanýdy úıretý bar. Qaýip-qaterdi aldyn ala anyqtaý jáne baǵalaý da mańyzdy. Bul qaýipti faktorlardy der kezinde anyqtaýǵa septigin tıgizedi, sonyń arqasynda óndiristik jaraqattardyń aldyn alýǵa, eń bastysy, adam óliminiń aldyn alýǵa bolady», - dep oı túıindedi ol.
