Abaı oblysynyń jańadan taǵaıyndalǵan ákimi Berik Ýálı óńir basshysy retindegi alǵashqy kezdesýin aqsaqaldar jáne zııaly qaýym ókilderimen ótkizdi, dep habarlaıdy "Adyrna" ulttyq portaly Arashaǵa siltep.
Alǵashqy basqosýda aımaqtyń áleýmettik-ekonomıkalyq damýy, tarıhı jáne mádenı oryndaryn damytý, sondaı-aq aýyl sharýashylyǵy men týrızmdi órkendetý máseleleri talqylandy.
Berik Ýálı óńir aqsaqaldarynyń usynystaryn tyńdap, olardyń aqyl-keńesin jumys barysynda basshylyqqa alatynyn atap ótti.
«Abaı oblysyn qurý – tarıhı ádilettiliktiń ornaýy. Endi naqty jumys isteıtin ýaqyt keldi. Óńirdi damytýǵa bar kúsh-jigerimdi salamyn», – dedi oblys ákimi.
Óńir basshysy Prezıdent tapsyrmasyna sáıkes ınvestıııalyq ahýaldy jaqsartý, aýyl sharýashylyǵy, kólik-logıstıka salalaryn damytý, ekonomıkany ártaraptandyrý máselelerine erekshe nazar aýdaratynyn jetkizdi.
Kezdesý barysynda aqsaqaldar aýyl-aımaqtardyń damýy, mádenıet pen týrızm salalarynyń órkendeýi qajettigin atap ótti.
«Ekonomıkany jaqsartyp, áleýmettik máselelerdi sheshý úshin jaqsy baılanys qajet. Berik Ýálıuly – tájirıbeli basshy. Memlekettik qyzmette mol tájirıbe jınady. Endi onyń aınalasyna toptasyp, óńirdiń órkendeýi úshin birge jumys isteýimiz kerek», – dedi Abaı oblysy qoǵamdyq keńesiniń tóraǵasy Meıramhat Aınabekov.
Kezdesý sońynda óńirdiń aqsaqaly Moldabek Janbolatov oblys ákimine aq batasyn berip, sáttilik tiledi.
«Semeı – Alashtyń astanasy, qazaq rýhanııatynyń temirqazyǵy. Biz birge jumys istep, óńirdi damytý jolynda aıanbaı eńbek etýimiz kerek», – dep túıindedi Berik Ýálı.
