Reseı prezıdenti Vladımır Pýtın Kaspıı qubyr konsorıýmyn (QQK) qorǵaý úshin áýe shabýylyna qarsy qorǵanys (PVO) júıeleri ornatylmaǵanyn málimdedi, dep habarlaıdy "Adyrna" ulttyq portaly.
Onyń aıtýynsha, bul nysan halyqaralyq energetıkalyq ınfraqurylymǵa jatady. Sondyqtan oǵan shabýyl jasalmaıdy dep eseptelgen.
«Bul nysanda buryn da, qazir de áýe shabýylyna qarsy qorǵanys júıeleri bolǵan joq. Sebebi túsinikti, biz bul nysanǵa shabýyl jasalmaıdy dep oıladyq. Óıtkeni bul – qatań túrde alǵanda, Reseıge tıesili nysan emes, halyqaralyq energetıkalyq ınfraqurylymǵa jatatyn nysan», – dedi Pýtın.
Ol Ýkraına Qarýly Kúshteriniń QQK-ǵa jasaǵan shabýyly Eýropamen úılestirilgen bolýy múmkin ekenin aıtyp, biraq bul jaı ǵana sáıkestik bolýy da múmkin ekenin jetkizdi.
17 aqpanda Ýkraına Qarýly Kúshteri QQK-nyń «Kropotkınskaıa» munaı aıdaý stanııasyna dronmen shabýyl jasaǵan bolatyn. QQK bul týraly halyqaralyq konsorıýmnyń barlyq akıonerlerine, onyń ishinde AQSh pen Eýropa kompanııalaryna habarlady.
