Qazaqstandyq Dáýren Qabı Ońtústik Amerıkanyń eń bıik shyńy – Akonkagýaǵa kóterildi. Ol bıiktigi 7 myń metrge jýyq taýǵa ulttyq mýzykalyq aspap – dombyrany alyp shyqqan, dep habarlaıdy "Adyrna" ulttyq portaly.
Buǵan deıin Dáýren Qabı Everestke órmeleý kezinde saýsaqtarynyń birnishe býynyn úsirip alǵan.
Akonkagýa – Argentına men Chılı shekarasynda ornalasqan Ońtústik Amerıkanyń eń bıik shyńy. Onyń bıiktigi 6961 metrdi quraıdy. Bul taý "7 shyń" baǵdarlamasyna kiredi. Onda ár qurlyqtyń eń bıik núktelerine shyǵý qarastyrylǵan.
"Dombyra – men úshin dala rýhynyń, kóshpendilerdiń sımvoly. Ol 2000 jyldan astam ýaqyt boıy qazaq mádenıetiniń ajyramas bóligi bolyp keledi. Biz bul joly shyńǵa baıraq alyp shyqqan joqpyz. Óıtkeni basqa memlekettiń jerine tý tigý – eskirgen dástúr dep oılaımyn. Al dombyra – meniń mádenıetimmen baılanysymdy bildiretin sımvol. Sondyqtan ony shyńǵa aman-esen jetkizý men úshin mańyzdy boldy," – deıdi Dáýren Qabı.
