Kólik vıe-mınıstri Talǵat Lastaev 2024 jyldyń jeltoqsanynda Aqtaý mańynda oryn alǵan Ázirbaıjan kompanııasynyń ushaǵy apatynyń sebebin anyqtaýǵa qatysty tergeý qashan aıaqtalatynyn aıtty, dep habarlaıdy "Adyrna" ulttyq portaly.
"Halyqaralyq azamattyq avıaııa uıymy talaptary men usynylǵan standarttaryna sáıkes, tergeý bir jylǵa sozylady. Osyǵan baılanysty, bıylǵy jeltoqsan aıyna deıin tergeý boıynsha qorytyndy esep aıaqtalýy tıis", – dedi Lastaev úkimettegi brıfıngte.
Alaıda, vıe-mınıstr áýe apatyna qatysty qylmystyq istiń tergelýi jóninde pikir bildirmedi.
"Qylmystyq tergeý – bul prokýratýra organdarynyń quzyretine jatady. Bul másele boıynsha arnaıy jedel-tergeý toby jumys istep jatyr", – dep málimdedi ol.
Eske sala keteıik, 2024 jylǵy 25 jeltoqsanda Aqtaýda Azerbaijan Airlines (AZAL) áýe kompanııasyna tıesili Embraer ushaǵynyń qatysýymen áýe apaty oryn aldy. Baký – Groznyı baǵyty boıynsha ushqan ushaq shuǵyl qonýǵa áreket jasaǵan kezde apatqa ushyrady. Bortta 62 jolaýshy jáne 5 ekıpaj múshesi bolǵan. Apat nátıjesinde 38 adam qaza tapty.
Halyqaralyq azamattyq avıaııa uıymy konvenııasyna sáıkes, apatty tergeý jumystaryn Qazaqstan basqarady. Tergeýge Ázirbaıjan, Reseı mamandary, halyqaralyq sarapshylar jáne Embraer ókilderi qatysýda. Qara jáshikter alynyp, halyqaralyq sarapshylardyń qatysýymen shıfryn sheshý proesi júrgizilýde.
